№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Гары Кларк

Гары Кларк
Ірландскі ілюстратар і аўтар вітражоў, адзін з лідараў ірландскага Руху мастацтваў і рамёстваў (Arts and Crafts Movement). Маляваў Кларк з дзяцінства, а з 16 гадоў вучыўся ў свайго бацькі мастацтву вітражу. У 1910—1913 гады Кларк вучыўся ў Дублінскай мастацкай школе, дзе атрымаў 3 залатыя медалі і 2 стыпендыі.

Адукацыю Гары Кларк завяршыў у Лондане, дзе пачаў шукаць працу ілюстратара. З падачы выдаўца Гарапа ён распачаў працу над дзвюма кнігамі, праца над якімі не была скончаная: “Паэма пра старога марака” С. Т. Колрыджа і “Выкраданне пасмы” А. Поўпа.

Першай надрукаванай кнігай, да якой Кларк намаляваў ілюстрацыі, былі казкі Ханса Крысціяна Андэрсэна (1916): выйшла 16 каляровых малюнкаў і 24 чорна-белыя. У хуткім часе была надрукаваная яшчэ адна кніга, ілюстратарам якой выступіў Гары Кларк, — “Гісторыі таямніцаў і фантазій” (Tales of Mystery and Imagination) Эдгара По. Першае яе выданне змяшчала толькі чорна-белыя ілюстрацыі, у другім з’явіліся каляровыя. Гэта і зрабіла Кларку рэпутацыю адметнага кніжнага ілюстратара. Сярод іншых праілюстраваных ім кніг — казкі Шарля Перо, “Фаўст” Ё. В. Гётэ і іншыя кнігі.

На творчасць Кларка паўплывалі такія мастацкія кірункі, як ар-нуво і ар-дэко.

Чытайце таксама

Уладзімір Бурыч

Уладзімір Бурыч

Рускі паэт, перакладчык, тэарэтык і прапагандыст верлібра.

Герман Чарлз Босман

Герман Чарлз Босман

Паўднёваафрыканскі пісьменнік, лічыцца найлепшым аўтарам кароткіх апавяданняў ПАР

Інгеборг Бахман

Інгеборг Бахман

Аўстрыйская пісьменніца, паэт, лаўрэатка мноства прэмій

Дан Андэрсан

Дан Андэрсан

Шведскамоўны паэт і празаік, некаторыя свае вершы сам паклаў на музыку

326