№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Крысціян Фрэдэрык Луі Лейпалт (Christiaan Frederik Louis Leipoldt)

1880 - 1947

Крысціян Фрэдэрык Луі Лейпалт
Паўднёваафрыканскі пісьменнік, які лічыцца адным з самых значных творцаў ПАР “Другога руху” — пакалення творцаў, што пісалі на афрыкаанс, такім чынам распрацоўваючы мову і ўводзячы яе ў літаратурны ўжытак адразу пасля Другой англа-бурскай вайны. Лейпалт пісаў вершы, раманы, п’есы, апавяданні, кнігі для дзяцей, падарожныя нататкі і нават кулінарныя кнігі і працы па батаніцы і дыеталогіі. Паэт Дыдэрык Ёханэс Оперман назваў яго “самым шматгранным творцам”.

Нарадзіўся Лейпалт 28 снежня 1880 году ў горадзе Вустэр у Капскай правінцыі ў сям’і святара Крысціяна Фрэдэрыка Лейпалта (які быў сынам рэйнскага місіянера Ёгана Готліба Лейпалта) і Ханны Меты Крысціяны Лейпалт (у дзявоцтве Эсэлен). Ужо з дзяцінства Лейпалт ведаў ангельскую, нямецкую мовы і афрыкаанс, з бацькам вывучыў грэцкую і лаціну, а пазней — французскую і італьянскую. Падчас Другой англа-бурскай вайны працаваў рэпарцёрам. У 1902—1907 з дапамогай батаніка Хэры Болюса ён вывучаў медыцыну ў Лондане, а потым падарожнічаў па Еўропе, Амерыцы і Усходняй Індыі. Потым некаторы час працаваў школьным доктарам у Лондане, медыцынскім школьным інспектарам у Трансваалі, а пасля — у Капскай правінцыі. У 1923 годзе Лейпалт зноў заняўся журналістыкай, але ўжо ў 1925 годзе атрымаў месца педыятра ў Кейптаўне. Ніколі не быў жанаты.

Самы вядомы верш Лейпалта — “Аповед дзядзькі Гертэла” (Oom Gertel Vertel), у якім расказваецца пра Другую англа-бурскую вайну і пра жорсткасць гэтай вайны.

Памёр Лейпалт 12 красавіка 1947 году ў Кейптаўне, аднак яго прах быў пахаваны ў Хантаме — дзікім горным раёне на поўначы ад Кейптаўна, які пісьменнік вельмі любіў. Хантаму, яго прыродзе і легендам прысвечаныя многія творы Лейпалта. Яшчэ адна важная тэма ў творчасці пісьменніка — Другая англа-бурская вайна. Так, узаемадачыненням афрыканераў і ангельцаў да, падчас і пасля англа-бурскіх войнаў прысвечаная ангельскамоўная трылогія “Даліна”, якая ўлучае раманы “Шыбенік Гекон” (Gallows Gecko), “Крушэнне ў шторме” (Stormwrack) і “Маска” (The Mask).

Чытайце таксама

Гюнхільд Эехаўг

Гюнхільд Эехаўг

Нарвежская пісьменніца, паэтка і выкладчыца.

Веньямін Блажэнны

Веньямін Блажэнны

Беларускі рускамоўны паэт, аўтар духоўных вершаў, сярод іншага распрацоўваў верлібр

Анджэй Тшэбіньскі

Анджэй Тшэбіньскі

Польскі паэт, драматург, літаратурны крытык і публіцыст з "пакалення калумбаў"

Клайв Стэйплз Льюіс

Клайв Стэйплз Льюіс

А ў 1950—1956 гадах выходзіць самы знакаміты празаічны твор Льюіса — цыкл з сямі казачных аповесцяў “Хронікі Нарніі” (The Chronicles of Narnia). Менавіта “Хронікі” зрабілі Льюіса адным з класікаў жанру фэнтэзі.

344