Шорт-ліст прэміі «Нацыянальны бэстсэлер - 2010»:
Раман Сенчын, «Ялтышавы» (11 балаў)
Андрэй Аствацатураў, «Людзі ў голым» (7 балаў)
Васіль Аўчэнка, «Правы руль» (6 балаў)
Павел Крусанаў, «Мёртвая мова» (6 балаў)
Алег Лукошын, «Капіталізм» (6 балаў)
Эдуард Качаргін, «Хрышчаныя крыжамі» (5 балаў)


Адказны сакратар прэміі Віктар Тапароў пракаментаваў шорт-ліст наступным чынам: «Шанцы на перамогу, па-мойму, ёсць ва ўсіх, хоць... далёка не аднолькавыя. Прычым умоўныя фаварыты і ўмоўныя аўтсайдары размяркоўваюцца строга парамі. У таталізатары стаўкі варта б прымаць прыкладна такія: Аўчэнка ці Сенчын (усёткі!) – 1:3; Крусанаў ці Качаргін (з надзвычай моцнай аўтабіяграфічнай аповесцю) – 1:6; Аствацатураў – 1:9; Лукошын – 1:12».

Акрамя таго, абвешчаны склад Малога журы прэміі:
Валера Гай Германіка, кінарэжысёр;
Андрэй Геласімаў, пісьменнік, лаўрэат «Нацбэста-2009»;
Андрэй Канстанцінаў, журналіст;
Севара Назархан, спявачка;
Максім Сураеў, лётчык-касманаўт;
Ірына Цінцякова, кіраўнік дабрачыннага фонду «Паўночная карона»;
Канстанцін Тублін, ганаровы старшыня Малога журы, заснавальнік прэміі.

Прэмія "Нацбэст" была заснаваная ў 2000 годзе. У розныя гады лаўрэатамі станавіліся Леанід Юзэфовіч (2001), Аляксандр Проханаў (2002), Гарос-Еўдакімаў (2003), Віктар Пелевін (2004), Міхаіл Шышкін (2005), Дзмітры Быкаў (2006), Ілья Баяшоў (2007), Захар Прылепін (2008), Андрэй Геласімаў (2009).

Пераможца «Нацбэста-2010» будзе абвешчаны 6 чэрвеня ў Санкт-Пецярбургу.