№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У 54-м "Дзеяслове" — Казько, Някляеў, Геніюш і Сыс

31 кастрычніка 2011

У 54-м
Яго адметнасцю, акрамя традыцыйна цікавага беларускага мастацкага і крытычнага чытва, стаў дыск з дакументальным фільмам пра жыццё і творчасць Ларысы Геніюш.

Нізка апавяданняў “Пра Моцю” Віктара Казько, аповесць “Аўтсайдэр” Макса Шчура і запісы Андрэя Федарэнкі “Сечка-15” прадстаўленыя ў празаічнай частцы часопіса.

Рубрыка “Паэзія” пазнаёміць чытачоў з новымі вершамі Уладзіміра Някляева, Ігара Сідарука, Алеся Аркуша ды іншых.

Адной з асаблівасцей гэтага нумару стала падборка твораў пераможцаў конкурсу маладых літаратараў, прысвечанага 100-годдзю з дня нараджэння польскага пісьменніка Чэслава Мілаша. Сваімі празаічнымі ды паэтычнымі творамі і перакладамі з чытачамі “Дзеяслова” падзяліліся Юля Аляксеенка, Маргарыта Аляшкевіч, Алеся Башарымава, Дар’я Вашкевіч, Ася Волкава, Андрэй Вылінскі, Кацярына Глухоўская, Марыя Іванова, Павел Капанскі, Уладзь Лянкевіч, Паліна Маслянкова, Анна Мананкова, Віялета Пачкоўская, Антон Рудак, Аляксандр Філіпенка ды Ганна Янкута.

Выбраныя старонкі з дзённіка Ніла Гілевіча, невядомыя вершы Анатоля Сыса з прадмовай Алеся Бяляцкага, штрыхі да творчага партрэту Анатоля Вярцінскага ад Леаніда Галубовіча, крытычныя развагі Паўла Абрамовіча над лёсам сучаснай беларускай літаратуры, рэцэнзія Ірыны Шаўляковай на новую кнігу Алы Сямёнавай і яшчэ многае іншае вы знойдзеце ў новым нумары аднаго з самых папулярных беларускіх літаратурных выданняў.

Прыемны мультымедыйны дадатак да папяровага нумару гэтым разам прадстаўлены дакументальным фільмам “Няскораная”, прысвечаным беларускай пісьменніцы Ларысе Геніюш. Фільм выйшаў у цыкле “Волаты беларускай літаратуры” тэлеканалу “Белсат”.

Атрымаць дыск змогуць усе падпісчыкі выдання, а таксама першыя пакупнікі часопіса ў кнігарнях “Акадэмкніга” (пр-т. Незалежнасці, 72) і “Кніжны салон” (вул. Калініна, 5).
паводле lit-bel.org

Чытайце таксама

Вынікі году па версіі Андрэя Хадановіча: перакладная паэзія

Апошнім часам пры канцы года зрабілася модным падводзіць вынікі. І літаратары не выключэнне. Складаецца ўражанне, што сёлета ў Беларусі заўважна актывізавалася паэтычнае жыццё.

Амерыканскія дажынкі ў кнігарні Логвінаў

Рэдактарка кніжнай серыі "Амерыканка" Марыя Мартысевіч і перакладчык Ігар Кулікоў запрашаюць 6 верасня ў кнігарню "Логвінаў" на прэзентацыю рамана Чарльза Букоўскі “Чытво” па-беларуску.

Абвешчаны кароткі спіс прэміі Арсенневай

У шорт-ліст прэміі імя Наталлі Арсенневай 2018 увайшлі дзевяць паэтычных кніг

Абвешчаны доўгі спіс прэміі Шэрмана

Сябры журы перакладчыцкай прэміі імя Карласа Шэрмана вызначылі 12 кніг, якія ўвайшлі ў доўгі спіс у 2018 годзе.

іншыя навіны
261