№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Умбэрта Эка не ведае, ці працягне пісаць

22 лістапада 2011

Умбэрта Эка не ведае, ці працягне пісаць
“Кожны раз, калі я пішу раман, то прынамсі два наступныя гады я ўпэўнены, што ён апошні. Таму што раман як дзіця: вы павінныя клапаціцца пра яго, ён пачынае хадзіць, а потым гаварыць. Праз два месяцы мне стукне восемдзесят. Напэўна, я больш не буду пісаць новых раманаў, і чалавецтва нарэшце, адчуе сябе ў бяспецы”, — заявіў Эка у інтэрв'ю The Paris Review.

Шосты і апошні на сённяшні дзень раман Умбэрта Эка выйшаў 29 кастрычніка 2010 у Італіі. Выдавецтва Bompiani выпусціла 500-старонкавы фаліянт гіганцкім для Італіі накладам 200 тысяч асобнікаў. Цяпер ужо прададзена некалькі мільёнаў асобнікаў кнігі, яна трымаецца на першым месцы ў рэйтынгах Італіі, Гішпаніі, Бразіліі, Мексікі і іншых краін.

Галоўны герой рамана, мізантроп і фальсіфікатар Сімонэ Сіманіні аднолькава ненавідзіць усе нацыянальнасці, расы і рэлігіі і супрацоўнічае са спецслужбамі паловы еўрапейскіх краін.

Ён вырабляе мноства фальшывых кніг, найбольш вядомай з якіх робяцца рэальныя “Пратаколы сіёнскіх мудрацоў”, плагіят малавядомага памфлета сярэдзіны XIX стагоддзя, скіраванага супраць Напалеона III пад назвай “Дыялог у пекле паміж Мантэск'ё і Мак’явэлі”.

Сам Эка у інтэрв'ю параўнаў дзейнасць Сіманіні з праектам WikiLeaks, які, аднак, набыў вядомасць пасля выхаду кнігі.

Сярод герояў рамана — мноства гістарычных асобаў, у тым ліку Зігмунд Фройд, Эжэн Сю і нават Леа Таксіль. Пражскія могілкі — месца, дзе пахаваны легендарны стваральнік Голема, рабін бэн Бецалель.

У верасні гэтага году Умбэрта Эка быў у ліку прэтэндэнтаў на атрыманне Нобелеўскай прэміі па літаратуры.
паводле openspace.ru

Чытайце таксама

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там…

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

іншыя навіны
203