№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Летні падарунак на 11-годдзе!

27 траўня 2020

Летні падарунак на 11-годдзе!

Шаноўныя сябры і сяброўкі! Сёлета 27 траўня часопісу “ПрайдзіСвет” спаўнілася 11 гадоў, і з гэтай нагоды мы вырашылі зрабіць сабе і вам падарунак.

Менавіта ў гэты дзень у далёкім 2009 годзе адбылася прэзентацыя нашага першага нумару. На сайце naviny.by захаваўся (фота)рэпартаж з той знакавай падзеі: https://naviny.by/…/cultu…/2009/05/31/ic_articles_117_162896

Прыгожыя, маладыя з агнём і верай у вачах. :) Але маладымі і задзірыстымі былі не толькі перакладчыкі, але і журналіст_кі, якія (неверагодна!) у тыя сівыя часіны не толькі хадзілі на літаратурныя імпрэзы, але яшчэ і спрабавалі перадаць дух дзеі. Чаго варты хаця б такі пасаж ад Adela Dubaviec:

“Што ні кажы, а наша публіка самая непатрабавальная і прыхільная на зямлі. Ёй не трэба дагаджаць, і гэта добра, бо на падобных вечарынах пануе атмасфера ляснога летніка і сямейнага юбілею. З іншага боку, ці многія з прысутных шчыра любяць сямейныя юбілеі?”

Аднак вы, мабыць, заўважылі, што пасля выхаду нашага апошняга, 21-га, нумару сайт часопіса “ПрайдзіСвет” прыціх і замёр (але не памёр!). Мы вырашылі ўзяць перапынак і крыху заняцца ўласнымі сольнымі кар’ерамі.

Але 2020-ы ўсё пераварочвае з ног на галаву, таму мы зноў абвяшчаем пра аднаўленне працы часопіса. Праўда, не ў выглядзе бязмежных нумароў, да такіх подзвігаў мы яшчэ не саспелі, ды і новая эра патрабуе новых фарматаў. Таму цягам трох летніх месяцаў мы вырашалі публікаваць відэа і аўдыё, прысвечаныя замежнай і беларускай літаратуры.

Для інтрыгі падзелімся найбліжэйшымі планамі. Каго называла “каровай” найстарэйшая паэтка ў гісторыі літаратуры? Чаму Фернанду Песоа не хапіла аднаго імені, каб сказаць усё, што хацелася? 10 малавядомых фактаў пра Джэймса Джойса ад Alhierd Bacharevič. Таямніцы “Пыхі і перадузятасці” ад перакладчыцы Hanna Yankuta і многае іншае.

Усе відэа будуць з’яўляцца на нашым Youtube-канале: https://www.youtube.com/user/prajdzisvet. Падпісвайцеся, калі яшчэ не.

Таксама будуць абвесткі на сайце і ў нашых акаўнтах у Facebook і vk.com.

Давайце прабавім гэта летам разам! Лета з “ПрайдзіСветам”!

Чытайце таксама

Тамаш Зан

Тамаш Зан

Польскі паэт-рамантык беларускага паходжання, філамат, сябра Адама Міцкевіча

Макс Бірбам

Макс Бірбам

Ангельскі эсэіст, парадыст, мастак-карыкатурыст, кніжны ілюстратар

Ален Гінзберг

Ален Гінзберг

Культавы амерыканскі паэт, адзін з лідараў біт-пакалення, аўтар паэмы "Сковыт"

Джэймс Дуглас Морысан

Джэймс Дуглас Морысан

Амерыканскі паэт, эсэіст, аўтар песняў, вакаліст гурта The Doors

88