№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Эдмунд Дзюлак

Эдмунд Дзюлак

Адзін з найбуйнейшых французскіх і ангельскіх мастакоў-ілюстратараў. Нарадзіўся ў Тулузе (Францыя). Акадэмічную адукацыю пачаў з вывучэння права ў Тулузскім універсітэце, тады ж слухаў лекцыі ў Тулузскай акадэміі прыгожых мастацтваў. Стаміўшыся ад юрыспрудэнцыі і атрымаўшы некалькі мастацкіх прэміяў за 1900 год, ён вырашае цалкам прысвяціць сябе навучанню ў Акадэміі.

У 1905 годзе пасля некалькіх гадоў навучання ў Парыжы малады француз пераязджае ў Лондан, у 1912 годзе атрымлівае брытанскае грамадзянства. Першай працай Дзюлака ў Лондане стала серыя з 60 ілюстрацый да поўнага збору твораў сёстраў Бронтэ на замову выдаўца Джозэфа Дэнта. Гэтая праца зацікавіла Галерэю Лестэра, якая замовіла яму ілюстрацыі да зборніка “Тысяча і адна ноч”, які выйшаў у 1907 годзе. За гэтай кнігай былі ілюстрацыі да “Буры” Ўільяма Шэкспіра (1908), “Рубаят” Амара Хаяма (1909), “Прыгажуні ў сонным лесе” (1910), казак Ханса Крысціяна Андэрсэна (1911), “Званоў і іншых вершаў” Эдгара По (1912).

Пасля Першай сусветная вайны цікавасць да падарункавых ілюстраваных выданняў зменшылася, і пасля выхаду яшчэ некалькіх кніг кар’ера Дзюлака як ілюстратара скончылася, і ён пачаў займацца мастацтвам у іншых сферах: газетныя карыкатуры, партрэты, тэатральныя касцюмы і дэкарацыі, шакаладныя скрынкі. Вельмі актыўна мастак праявіў сябе ў паштовай графіцы. Ён быў аўтарам эскізаў шматлікіх стандартных серыяў марак і банкнотаў Вялікабрытаніі і Францыі.
 

партрэт Owen Schumacher

Чытайце таксама

Жорж Экгаўт

Жорж Экгаўт

Франкамоўны бельгійскі пісьменнік, сацыяліст, анархіст, ураніст, як у ХІХ ст. называлі геяў, упадніцкі эстэт, акадэмік, класік бельгійскай літаратуры.

Хенрык Нордбрандт

Хенрык Нордбрандт

Дацкі пісьменнік, аўтар шэрагу зборнікаў вершаў, эсэ, раманаў, падарожных нататак. Лаўрэат прэміі Дацкай акадэміі (1980), літаратурнай прэміі Шведскай акадэміі (1990).

Роберт Саўці

Роберт Саўці

Ангельскі паэт-рамантык, перакладчык, гісторык, прадстаўнік “азёрнае школы” (разам з Колрыджам і Ўордсвартам), паэт-лаўрэат з 1813 па 1843 гады (званне прыдворнага паэта давалася да канца жыцця; паэт-лаўрэат мусіў пісаць вершы з нагоды розных падзей у жыц

Крысціян Фрэдэрык Луі Лейпалт

Крысціян Фрэдэрык Луі Лейпалт

Паўднёваафрыканскі пісьменнік, адзін з самых значных творцаў ПАР “Другога руху” — пакалення творцаў, што пісалі на афрыкаанс

479