№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Габрыэле Д'Анунцыё (Gabriele D'Annunzio)

1863 - 1938

Габрыэле Д'Анунцыё
Простае пералічэнне фактаў з біяграфіі Габрыэле Д’Анунцыё не зможа стварыць нават аддаленага ўяўлення пра гэтую неардынарную асобу. Ва ўсіх яго творах адчуваецца дух антычнага гераізму і культу прыгажосці, дэкадэнцкай вытанчанасці і эратызму, але бадай самы значны твор Д’Анунцыё — яго ўласнае жыццё.

Габрыэле Д’Анунцыё (сапраўднае прозвішча Рапаньета) нарадзіўся 12 сакавіка 1863 году ў горадзе Пескара (вобласць Абруца) і паходзіў са старажытнага арыстакратычнага роду. Стаў вядомым адразу пасля публікацыі першага паэтычнага зборніка, а еўрапейскую славу пісьменніка склалі кнігі “Пескарскія апавяданні”, “Джавані Эпіскапа”, “Цнатлівы”, “Непераможны”, п’еса “Трыюмф смерці”, раман “Асалода” і многія іншыя. Творы Д’Анунцыё насычаныя гераічнымі, эратычнымі, эпікурэйскімі матывамі. Да Першай сусветнай вайны ён быў найбольш вядомым і папулярным італьянскім пісьменнікам.

У 1915 —1918 гг. удзельнічаў у Першай сусветнай вайне, спачатку ў авіяцыі, потым у пяхоце. Пасля вайны стаў адным з лідараў нацыяналістычнага руху, звязанага з фашысцкімі арганізацыямі. З 1919 году падтрымліваў Мусаліні, вітаў ваенныя акцыі італьянскага фашызму, славіў яго каланіяльныя захопы (пра што сведчыць зборнік артыкулаў і выступленняў “Іду да цябе, Афрыка”, 1936). У 1921 годзе Д’Анунцыё набывае вілу на беразе возера Гарда і апошнія гады свайго жыцця праводзіць там. У 1924 годзе атрымаў тытул князя, у 1937 узначаліў Каралеўскую акадэмію навук. Пісьменнік абагаўляў прыгажосць і з пагардай ставіўся да ўсяго брыдкага ці невыразнага, таму вельмі балюча перажываў уласную старасць. Прычына была яшчэ і ў тым, што Мусаліні, па сутнасці, перахапіў ініцыятыву ў кіраванні фашысцкім рухам і цалкам аддаліў Д’Анунцыё ад актыўнага палітычнага жыцця, акаляючы яго пры гэтым усімі магчымымі пашанамі. Памёр Д’Анунцыё 1 сакавіка 1938 году ў сваім маёнтку Вітарыяле на возеры Гарда ў Ламбардыі. Рэжым Мусаліні зладзіў яму ўрачыстае пахаванне.
 

Аксана Данільчык

Чытайце таксама

Хорас Ўолпал

Хорас Ўолпал

Хінемаана Бэйкер

Хінемаана Бэйкер

Паэтка і музыка з Новай Зеландыі.

Рэкс Стаўт

Рэкс Стаўт

Амерыканскі пісьменнік, аўтар дэтэктыўных раманаў, стваральнік цыклу раманаў пра Нэра Вулфа

Джэк Керуак

Джэк Керуак

Амерыканскі пісьменнік, прадстаўнік Біт-пакалення, аўтар раману "На дарозе"

431