№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Фрыдрых Дзюрэнмат (Friedrich Dürrenmatt)

1921 - 1990

Фрыдрых Дзюрэнмат
Швейцарскі пісьменнік, драматург і мастак. Нарадзіўся 5 студзеня 1921 года ў вёсцы Канальфінген у швейцарскім кантоне Берн у сям’і пратэстанцкага святара. У 1935 годзе праз эканамічныя праблемы сям’я пераехала ў Берн. Дзюрэнмат спачатку наведваў Бернскую вольную гімназію, а потым Гумбальтыянум, дзе ў 1941 годзе здаў выпускныя экзамены. Яшчэ ў Канальфінгене ён пачаў маляваць, але нягледзячы на схільнасць да жывапісу, у 1941 годзе паступіў у Цюрыхскі універсітэт, дзе вывучаў філасофію, прыродазнаўства і германістыку. Пасля першага ж семестру перавёўся ў Бернскі універсітэт. Але ўжо ў 1943 годзе ён кідае навучанне і прысвячае сваё жыццё літаратуры. У 1945—1946 гг. была надрукаваная яго першая п’са «Бо сказана…», якая была пастаўленая ў 1947 годзе.

Першы творчы і камерцыйны поспех Фрыдрыху Дзюрэнмату прынесла п’еса «Ромул Вялікі» (1949), а ўжо «Шлюб спадара Місісіпі» (1950) зрабіла яго драматургам нацыянальнага маштабу. У гэтым творы ўпершыню яскрава праявіліся найбольш характэрныя рысы яго творчасці — гратэск, чорны гумар, элементы дэтэктыўнага жанру. Сярод іншых значных драматычных твораў пісьменніка варта згадаць «Візіт старой дамы», «Фізікі», «Анёл спускаецца ў Вавілон», «Граючы Стрындберга». Акрамя таго, пяру пісьменніка належаць крымінальныя раманы «Суддзя і яго кат» (1952), «Падазрэнне» (1953), «Абяцанне» (1958), «Правасуддзе» (1985), аповесці «Грэк шукае грачанку», «Аварыя», «Зімняя вайна ў Тыбеце» і іншыя. Асновы свае эстэтыкі Фрыдрых Дзюрэнмат выклаў у зборніку эсэ «Праблемы тэатра» (1955), а яго ўяўленням пра сучасны свет прысвечаная кніга «Адпаведнасці» (1976).

Памёр пісьменнік 14 снежня 1990 года ў Нэўшатэлі менш, чым за месяц да свайго сямідзесяцігоддзя.

Фрыдрых Дзюрэнмат — лаўрэат шматлікіх міжнародных і нацыянальных прэміяў, у тым ліку Мальераўскай (1957) і Шылераўскай (1959).

Чытайце таксама

Міхаіл Лермантаў

Міхаіл Лермантаў

Расійскі паэт, празаік, драматург, мастак, афіцэр

Кейт Шапэн

Кейт Шапэн

Амерыканская пісьменніца

Анна Валенберг

Анна Валенберг

Пісьменніца, драматург, перакладчыца, прадстаўніца "залатой эры" шведскай дзіцячай літаратуры

Сельма Лагерлёф

Сельма Лагерлёф

Шведская пісьменніца, першая жанчына, якая атрымала Нобелеўскую прэмію па літаратуры

718