№18: Некаторыя любяць паэзію

№18: Некаторыя любяць паэзію

...І ўсё адно мы трымаемся за паэзію, усё адно яе пішам, перакладаем і чытаем, знаходзім і адкрываем для сябе новых і забытых паэтаў і паэтак. Усё роўна самотна рухаемся разам з вершам, рухаемся за ім, ухапіўшыся за ягоныя “парэнчы”, спрабуем адшукаць яго пачатак, намацаць яго “мерыдыян” і, як казаў паэт Паўль Цэлан, прыйсці на сустрэчу з сабой.

Чытаць далей

Стывен Ван Дайн (S. S. Van Dine)

1888 - 1939

Стывен Ван Дайн
Амерыканскі пісьменнік і мастацкі крытык. Сапраўднае імя — Ўілард Хантынгтан Райт. Нарадзіўся 15 кастрычніка 1888 у Шарлатсвілі, штат Вірджынія. У 21 год пачаў прафесійную кар’еру як літаратурны рэдактар Los Angeles Times. Яго раннія літаратурныя творы (1910—1919) былі напісаныя ў рэчышчы натуралізму: раман The Man of Promise і некаторыя апавяданні. У 1915 годзе выдаў свае каментары да ўсіх кніг Фрыдрыха Ніцшэ пад назвай “Так сказаў Ніцшэ” (What Nietzsche Taught).

У 1923 годзе Ван Дайн спыніў кар’еру журналіста і крытыка праз хваробу, якая афіцыйна была звязаная з яго стомленасцю ад працы, а напраўду — з таемнай наркатычнай залежнасцю. Доктар прапісваў яму ляжачы рэжым больш за два гады. Расчараванне і сум прывялі пісьменніка да збору і вывучэння тысячаў кніг дэтэктыўнага і крымінальнага жанру. Вынікам гэтага даследавання стала яго ранняе эсэ па гісторыі, традыцыях і законах дэтэктыўнай літаратуры. У 1926 выйшаў яго першы дэтэктыўны раман The Benson Murder Case. Апроч яго Ван Дайн напісаў яшчэ 11 раманаў, першыя з якіх былі пра дэтэктыва-аматара, прадстаўніка найвышэйшага класу і эстэта Філа Ванса і прынеслі аўтару не толькі папулярнасць, але і багацце. Аднак цікавасць да яго пазнейшых кніг спала — густы чытацкай публікі змяніліся.

У пачатку 1930-х Ван Дайн напісаў некалькі апавяданняў для экранізацыі кінакампаніяй “Ўорнэр Бразэрс”, аднак у друкаваным выглядзе яны не з’яўляліся і, наколькі вядома, ніводзін з кінасцэнароў не захаваўся.

Памёр 11 красавіка 1939 у Нью-Ёрку.

Чытайце таксама

Міхаіл Лермантаў

Міхаіл Лермантаў

Расійскі паэт, празаік, драматург, мастак, афіцэр

Артур Конан Дойл

Артур Конан Дойл

Шатландскі фізік і пісьменнік, аўтар дэтэктываў пра Шэрлака Холмса

Юльян Урсын Нямцэвіч

Юльян Урсын Нямцэвіч

Беларускі польскамоўны паэт, празаік, драматург і палітычны дзеяч, прадстаўнік польскага Асветніцтва

Вільгельм Гаўф

Вільгельм Гаўф

Нямецкі пісьменнік-рамантык, знакаміты сваімі казкамі

190