№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Фрэнсіс Брэт Гарт (Francis Bret Harte)

1836 - 1902

Фрэнсіс Брэт Гарт
Амерыканскі празаік Фрэнсіс Брэт Гарт нарадзіўся 25 жніўня 1836 у гарадку Олбані (штат Нью-Ёрк), дзе яго бацька выкладаў у каледжы грэцкую мову. Пасля раняй смерці бацькі будучаму пісьменніку давялося самастойна зарабляць на жыццё, і ў 1854 годзе, хутка пасля пачатку “залатой ліхаманкі”, ён перабраўся ў Каліфорнію, дзе паспрабаваў сябе ў мностве прафесіяў.

Свае першыя апавяданні Фрэнсіс Брэт Гарт выдаў у 1856 годзе ў часопісе The Californian, які сам рэдагаваў. Пазней выдаваў часопіс The Overland Monthly (1868—1871), першы значны часопіс заходніх штатаў Амерыкі. У 1870-я гады зрабіўся вядомым пісьменнікам і жыў у Нью-Ёрку, пасля — часткова з матэрыяльных прычынаў, часткова праз канфлікт з амерыканскім грамадствам, выкліканым яго цвёрдай грамадзянскай пазіцыяй, — пераехаў у Еўропу: быў амерыканскім консулам у прускім горадзе Крэфельд, потым у Глазга. Рэшту жыцця правёў у Англіі. Памёр 5 траўня 1902.

Фрэнсіс Брэт Гарт напісаў раман “Гэбрыэл Конрай” (Gabriel Conroy), шэраг аповесцяў, сярод якіх найбольш вядомая яго позняя трылогія “Стэпавы знайда”, “Сюзі” і “Кларэнс” (дзеянне адбываецца падчас амерыканскай Вайны за незалежнасць), вершы, папулярныя ў свой час пародыі (на Дыкенса, Шарлоту Бронтэ, Віктора Гюго, Артура Конана Дойла — напрыклад, апавяданне “Скрадзены партсігар”, якое Элеры Куін называў найлепшай пародыяй на Шэрлака Холмса) і п’есу ў суаўтарстве з Маркам Твэнам. Але найбольшую папулярнасць яму прынеслі апавяданні пра жыхароў Дзікага Захаду.

Чытайце таксама

Манула Каліцка

Манула Каліцка

Польская пісьменніца і журналістка. Сапраўднае імя — Марыя Магдалена Каліцка.

Наля Маркава

Наля Маркава

Беларуская паэтка

Алфрэд Эдвард Хаўсмэн

Алфрэд Эдвард Хаўсмэн

Ангельскі філолаг і паэт, знакамітага перадусім зборнікам вершаў “Шропшырскі хлопец”

Клайв Стэйплз Льюіс

Клайв Стэйплз Льюіс

А ў 1950—1956 гадах выходзіць самы знакаміты празаічны твор Льюіса — цыкл з сямі казачных аповесцяў “Хронікі Нарніі” (The Chronicles of Narnia). Менавіта “Хронікі” зрабілі Льюіса адным з класікаў жанру фэнтэзі.

413