№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Даніэла Капітанява (Daniela Kapitáňová)

1956 -

Даніэла Капітанява
Нарадзілася ў гарадку Камарна на славацка-венгерскай мяжы. У тэатральнай акадэміі ў Празе вывучала рэжысуру.

У 1996 годзе невядомая аўтарка сталася адной з пераможцаў штогадовага славацкага літаратурнага конкурсу “Апавяданне”. Яе дэбютная “Кніга пра пагост” (Kniha o cintoríne), выдадзеная ў 2000 годзе пад псеўданімам Самусь Тале (Samko Tále), адразу ж зрабілася бэстсэлерам і на сённяшні дзень перакладзеная больш як на дзясятак моваў, у тым ліку на беларускую (пераклад Сяргея Сматрычэнкі; “ARCHE”, 9/2010). Таксама па-беларуску ў тым самым славацкім нумары “ARCHE”, што і “Кніга пра пагост”, было надрукаванае эсэ Даніэлы Капітанявай “Іх Камарна і мой Трыянон” (пераклад Веранікі Бяльковіч).

Улюбёны літаратурны жанр пісьменніцы — дэтэктыў. У гэтым жанры напісаная аповесць “Хай гэта застанецца ў сям’і” (Nech to zostane v rodine, 2005), а таксама парадыйная аповесць “Забойства ў Жлуктаве” (Vražda v Slopnej, 2008), якая спачатку, улетку 2003-га, паступова публікавалася ў славацкай штодзённай газеце Pravda.

Цяпер Даніэла Капітанява супрацоўнічае з тэатрам Thália ў Кошыцах, выкладае ва ўніверсітэце ў Нітры крэатыўнае пісьмо, піша кінасцэнары і працуе на Славацкім радыё ў Браціславе.

Чытайце таксама

Мэйбл Паўэрз

Мэйбл Паўэрз

Аўтарка працаў пра жыццё паўночна-амерыканскіх індзейцаў, іракезскае племя сенэкаў прыняло яе ў клан Бакаса

Вольга Такарчук

Вольга Такарчук

Польская пісьменніца, эсэістка, сцэнарыстка, паэтка

Георг Гайм

Георг Гайм

Нямецкі паэт, празаік, драматург, ключавая постаць ранняга экспрэсіянізму

Амаліе Касін Лерстанг

Амаліе Касін Лерстанг

Нарвежская пісьменніца і рэдактарка культурніцкага часопіса Fanfare.

635