№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Ладзіслаў Кліма (Ladislav Klíma)

1878 - 1928

Ладзіслаў Кліма
Чэшскі празаік, паэт, драматург і перш за ўсё філосаф.

Нарадзіўся ў 1878 годзе ў мястэчку Дмажліцы на ўсходзе Багеміі ў сям’і канцылярскага службоўца. Пасля выключэння з гімназіі ў 1895 годзе за нібыта абразы ў бок дзяржавы, царквы і дынастыі Габсбургаў перайшоў у гімназію Заграба, але, так яе і не скончыўшы, пераехаў у 1904 годзе ў Прагу. Кіруючыся прынцыпамі сваёй філасофіі, браўся толькі за часовыя працы, жыў з выпадковых ганарараў за свае творы, а таксама часам карыстаўся шчодрасцю сяброў.

Кліма супрацьстаяў нормам сучаснага яму чэшскага грамадства і ладам свайго жыцця, і сваімі творамі. Культуру, маральныя каштоўнасці і сам сусвет Кліма адмаўляў, а рэальнасць лічыў падуладнай волі індывідуума. Найбольшая частка філасофскіх поглядаў пісьменніка адлюстраваная ў яго кнізе “Свет як свядомасць і нішто” (Svět jako vědomí a nic). А самым яго знакамітым творам лічыцца раман “Пакуты князя Штэрненгоха” (Utrpení knížete Sternenhocha).

Шматлікія рукапісы Ладыслава Кліма былі адрэдагаваныя і выдадзеныя ўжо пасля яго смерці, уключна з яго апавяданнямі і лістамі. Шмат што Кліма знішчыў сам.

Памёр ад сухотаў 19 красавіка 1928 году ў Празе.

Чытайце таксама

Марыс Леблан

Марыс Леблан

Французскі пісьменнік, аўтар дэтэктыўных раманаў пра Арсэна Люпэна

Крысціян Фрэдэрык Луі Лейпалт

Крысціян Фрэдэрык Луі Лейпалт

Паўднёваафрыканскі пісьменнік, адзін з самых значных творцаў ПАР “Другога руху” — пакалення творцаў, што пісалі на афрыкаанс

Эмілі Дыкінсан

Эмілі Дыкінсан

Амерыканская паэтка, пры жыцці надрукавала каля дзясятка вершаў, пасля смерці зрабілася класікам

Юльян Тувім

Юльян Тувім

Польскі паэт і перакладчык Юльян Тувім нарадзіўся ў горадзе Лодзь у польскай габрэйскай сям’і

543