![Анна Валенберг](/assets/components/phpthumbof/cache/Anna-Wahlenberg.5bb011cbc2964a802ed84d01221794ac.jpg)
Найбольш вядомая сваімі дзіцячымі казкамі. Адна з прадстаўнікоў “залатой эры” шведскай дзіцячай літаратуры. Дэбютавала ў 1882 годзе зборнікам апавяданняў “Малюнкі на пяску” (Teckningar i sanden), апублікаваным пад псеўданімам Rien (фр. “Нішто”).
Як драматург дэбютавала камедыяй “На варце” (På Vakt) у Паўднёвым тэатры ў 1890 годзе. Пісала п’есы як для прафесійных актораў, так і для аматараў, а таксама школьныя п’есы.
У 1895 годзе выйшаў першы зборнік казак Валенберг “Казкі Бенгта пра каралёў, томтэ, троляў і прынцэс” (Bengts sagor om kungar och tomtar och troll och prinsessor) — у гэты час у Швецыі акурат адбываецца росквіт гэтага жанру. Агулам Валенберг напісала каля дзвюх сотняў казак, многія з якіх прысвечаныя двум яе сынам.