№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Рычард Бротыган (Richard Brautigan)

1935 - 1984

Рычард Бротыган
Амерыканскі пісьменнік. Нарадзіўся 30 студзеня 1935 у горадзе Такома, штат Вашынгтон. Пасля Вялікай дэпрэсіі сям’я паэта жыла вельмі бедна. Выпадковыя заробкі не надта дапамагалі, і толькі ў 1944 годзе пасля сталых пераездаў сям’я асталявалася ў штаце Арэгон. Тры гады Рычард Бротыган жыў з адным са сваім айчымаў, Робертам Потэрфілдам, і вярнуўся да маці і сёстраў толькі ў 14 гадоў.

У друку Бротыган дэбютаваў з вершам “Святло” ў канцы 1954-га — праз год пасля сканчэння школы.

Упершыню малады паэт сутыкнуўся з крытыкай у 1955 годзе — сяброўцы не спадабаліся ягоныя вершы. Раз’юшаны Бротыган пайшоў у паліцыю і запатрабаваў, каб яго адправілі за краты. Паліцыянты растлумачылі, што яго няма за што затрымліваць, і тады паэт паразбіваў каменнем шыбы ў пастарунку. Бротыгана аправілі ў псіхіятрычную лякарню Портлэнда на курс шокавай тэрапіі.

Выйшаўшы з лякарні, Бротыган пераязджае ў Паўночную Каліфорнію — Мекку Біт-пакалення. У канцы 1950-х Бротыган жыў на выпадковыя заробкі, ягоныя вершы друкаваліся мізэрнымі накладамі ў маленькіх выдавецтвах. Упачатку 1960-х ён пачынае пісаць прозу, потым з’яўляюцца ягоныя раманы “Генерал канфедэрацыі з Біг-Сура” і “Стронгавая рыбалка ў Амерыцы”. Менавіта “Стронгавая рыбалка” зрабіла Бротыгана знакамітым: у 1967 годзе кніга разышлася мільённымі накладамі. Наступная кніга — “У кавуновым цукры” — таксама займела папулярнасць.

У 1970-х Бротыган пачаў эксперыментаваць з жанрамі і формамі. За гэты час ён напісаў пяць раманаў, тры кнігі вершаў, зборнік апавяданняў. Але папулярнасць ягоных твораў хутка згасала. Раман “Ўілард і яго боўлінгавыя трафеі. Вычварная містэрыя” крытыкі назвалі найгоршай кнігай 1976 году. Але ў Еўропе і Японіі пісьменніка любілі. У 1976 годзе Бротыган паехаў у Токіё і прывёз з Японіі не толькі новыя ўражанні, але і жонку. Што праўда, у 1979-м яны разышліся (у канцы 1970-х Рычард ужо меў дарослую дачку, з першай жонкай ён таксама хутка развёўся).

У 1980 годзе выйшаў раман Бротыгана “Экспрэс Токіё — Мантана”: пісьменнік паехаў у рэкламны тур па Злучаных Штатах. Пасля ён вёў курс пісьменніцкага майстэрства ва ўніверсітэце Мантаны. Але наступны раман Бротыгана крытыкі разграмілі.

Увосень 1984 году Бротыган застрэліўся ў сваім каліфарнійскім доме. Дакладная дата ягонай смерці дасюль невядомая (магчыма, гэта адбылося 14 верасня). Цела знайшлі толькі 25 кастрычніка.

Чытайце таксама

Кен Кізі

Кен Кізі

Амерыканскі пісьменнік, прадстаўнік Біт-пакалення, паўплываў на фармаванне руху хіпі

Э. Ч. Асонду

Э. Ч. Асонду

Нігерыйскі пісьменнік, вядомы сваімі кароткімі апавяданнямі

Эмілі Дыкінсан

Эмілі Дыкінсан

Амерыканская паэтка, пры жыцці надрукавала каля дзясятка вершаў, пасля смерці зрабілася класікам

Пэт Паркер

Пэт Паркер

Афраамерыканская паэтка-лесбіянка і актывістка.

444