Нямецкамоўны пісьменнік і перакладчык габрэйскага паходжання. Нарадзіўся ў нямецкамоўнай габрэйскай сям’і ў Чарнаўцах (у той час Румынія). 1941—1944 гады перажыў у лагеры для румынаў ва Украіне. У 1945 годзе пераехаў у Бухарэст, працаваў там тэатральным музыкам, карэктарам і рэдактарам у выдавецтве, літаратурным перакладчыкам з нямецкай на румынскую і наадварот (сярод іншага пераклаў на румынскую мову “Фаўста” Гётэ).
Жывучы ў Румыніі, выдаў тры нямецкамоўныя зборнікі паэзіі. У 1970 годзе надрукаваў свой верш “Ён” (Er), які лічыцца адной з літаратурных крыніцаў верша Паўля Цэлана “Фуга смерці”.
Памёр у 1979 годзе ў Бухарэсце.
