№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Ўолес Стывенс (Wallace Stevens)

1879 - 1955

Ўолес Стывенс
Амерыканскі паэт нямецка-нідэрландскага паходжання. Нарадзіўся 3 кастрычніка 1879 году ў Рэдынгу, штат Пенсільванія. У 1897–1900 гг. вучыўся ў Гарвардскім універсітэце, але дыплому не атрымаў, у 1903 годзе скончыў Нью-Ёркскую вышэйшую школу права. Працаваў журналістам у New York Herald Times, потым займаўся адвакацкай практыкай. У канцы 1890-х гг. пачаў працаваць у страхавой кампаніі. У 1909 годзе ажаніўся з Элсі Віёлай Кэйчэл (1886–1963). У 1916 годзе пераехаў у Хартфард, штат Канектыкут.

Вядомасць да Стывенса прыйшла ў сярэдзіне 1910-х гадоў, калі вялікую падборку яго вершаў апублікаваў чыкагскі часопіс Poetry. На той час паэту было 35 гадоў, а яго першы паэтычны зборнік “Фісгармонія” (Harmonium) выйшаў у 1923 годзе. Цягам наступных трыццаці гадоў Стывенс выдаў зборнікі “Ідэі парадку” (Ideas of Order, 1936), “Мужчына з блакітнай гітарай” (The Man with the Blue Guitar, 1937), “Часткі свету” (Parts of a World, 1942), “Нататкі адносна найвышэйшай формы вымыслу” (Notes toward a Supreme Fiction, 1942), “Набліжэнне да лета” (Transport to Summer, 1947), “Збор вершаў” (Collected Poems, 1954), зборнік эсэ “Неабходны анёл” (The Necessary Angel, 1951), куды ўвайшлі крытычныя артыкулы Стывенса. У 1957 годзе выйшаў зборнік “Пасмяротнае” (Opus Posthumous), а ў 1972 – зборнік “Пальма на ўскрайку свядомасці (The Palm at the End of the Mind). Лісты Стывенса былі падрыхтаваныя і выдадзеныя ў 1966 годзе ягонай дачкой Холі.

Двойчы лаўрэат Нацыянальнай кніжнай прэміі і Пулітцэраўскай прэміі (1955).

Памёр у Хартфардзе 2 жніўня 1955 году.

Чытайце таксама

Сельма Лагерлёф

Сельма Лагерлёф

Шведская пісьменніца, першая жанчына, якая атрымала Нобелеўскую прэмію па літаратуры

Аркадзь Аверчанка

Аркадзь Аверчанка

Рускі пісьменнік-сатырык, тэатральны крытык. Пасля рэвалюцыі жыў на эміграцыі

Таня Скарынкіна

Таня Скарынкіна

Беларуская паэтка і мастачка

Кацярына Оаро

Кацярына Оаро

Пісьменніца

483