№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Беларускія кніжныя вокладкі 2009

13 студзеня 2010

Няма на чым вока спыніць. Вылучаюцца хіба шырокафарматныя фотаальбомы, дый тое хутчэй праз сваю дыхтоўнасць, чым праз нейкае цікавае дызайнерскае рашэнне.

Аднак гэта з першага погляду. Прыгледзеўшыся пільней да мастацкіх выданняў мінулага года, я выбрала сёе-тое для вашай увагі. Але адразу хачу зазначыць, што адабрана гэта ўсё на густ аматара кнігі, чытача, пакупніка і частага заўсёдніка кнігарняў. Таму ласкава запрашаю вас падзяліцца сваім меркаваннем і нават паспрачацца на гэты конт.

Першае, што кідаецца ў вочы, гэта тэндэнцыя да серыйнасці, а таму і пачнем з серый.

Цешаць сваім дызайнам кніжкі-малюткі ад выдавецтва “Галіяфы”.









Вабяць да сябе і кніжкі з серыі “Кнігарня пісьменніка”.









Праз сваю колацэнтрычнасць сюды б магла патрапіць і “Параноя” Марціновіча, аднак яе няма ў беларускіх кнігарнях, дый выдадзена яна не ў беларускім выдавецтве.

Асаблівы прыз маёй душы атрымлівае серыя кніг Алеся Разанава, гэтак званыя “яйкаквадраты”.



Дызайн навуковай, даведачнай, навучальнай літаратуры заўжды ў нас кульгае. Аднак з’явілася серыя “Беларускія еўраграматыкі” ў даволі простым, аднак прывабным афармленні.



У намінацыі “Перакладная кніга” прадстаўляю вашай увазе двухтомнік Збігнева Герберта.





Працягнем агляд прыгожых перакладных выданняў… Прызнацца, яны ў нас афармляюцца даволі прыстойна.











Дзіцячая літаратура – пытанне самае балючае, таму тут я пакажу не лепшае, а тое, што ёсць.

А ёсць вельмі цікавая і незвычайная ў сваім афармленні кніга Алеся Кудрыцкага “Прыгоды капітана Танакі”. Прынамсі, у нас такога яшчэ не было.



Ёсць серыя сучасных казак для дзяцей.



Ёсць светлая “Блакітная кніга ў творах беларускіх пісьменнікаў”, сонечныя “Прыгоды бульбобаў”, бурлівая “Нябесная рэчка” і касмічны “У сям’і расце мужчына”.









Як бачым, даволі разнастайныя падыходы да афармлення дзіцячай кнігі.

У 2009 выйшаў таксама часопіс “Паміж”, прысвечаны дзіцячай літаратуры, вокладка якога дагэтуль рве мне мозг.



Не магу тут не згадаць кнігу “Рыцары і дойліды Гародні” Алеся Краўцэвіча з ілюстрацыямі Паўла Татарнікава.



Цікава аформлены вокладкі навукова-папулярных выданняў:







І напрыканцы вокладкі, якія проста падабаюцца, а чаму – Бог яго ведае…







Чытайце таксама

459