№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Агаце Крысці паставяць помнік у Лондане

21 жніўня 2012

Агаце Крысці паставяць помнік у Лондане
На гэтым тыдні Лонданская гарадская рада Вестмінстэра выдала дазвол на ўсталяванне помніка, спраектаванага скульптарам Бэнам Твістанам-Дэвісам. Помнік паставяць у сэрцы Ковент-Гардэна — паміж Грэйт-Ньюпорт-стрыт і Крэнбарн-стрыт. Гэтае месца ў самым цэнтры лонданскага тэатральнага раёна было абранае невыпадкова — яно адлюстроўвае ўнёсак Крысці ў драматургію: пісьменніца была першай жанчынай-драматургам, тры п'есы якой ішлі адначасова ў Вест-Эндзе, а яе дэтэктыўная п'еса “Пастка” (The Mousetrap) — сцэнічны доўгажыхар, які пабіў сусветны рэкорд.

Як паведамляецца, бронзавая скульптура вышынёй 2,5 м, спраектаваная на замову рэжысёра-пастаноўшчыка “Пасткі” сэра Стывена Ўэйлі-Коэна і ўнука пісьменніцы Мэцью Прычарда, будзе выкананая ў выглядзе вялізнай разгорнутай кнігі. На развароце — бюст Агаты Крысці, вокладку ўпрыгожаць скульптурныя элементы, якія адлюстроўваюць этапы яе жыцця і дзейнасці, сярод якіх — матывы з апавяданняў пра міс Марпл і Эркюля Пуаро, усходні экспрэс і сельскі дом.

“Ідэя такой кампазіцыі зарадзілася ў сувязі з тым, што яна самы знакаміты з пісьменнікаў, аўтар самых прадаваных кніг — іх было прададзена 4 мільярды. Мы ж абмежаваныя ў прасторы — на будаўнічай пляцоўцы мала месца, і мы не можам усталяваць там скульптуру з фрагментамі-кнігамі, бо яны будуць перашкаджаць мінакам. Таму мы і вырашылі, што гэта будзе адна вялізная кніга”, — цытуе архітэктара выданне. Таксама, паводле яго словаў, у скульптурнай кампазіцыі будзе намаляваны шэраг кніг меншага фармату, дакладней, кніжных карэньчыкаў.

Гэта першы помнік Агаце Крысці, які будзе ўзведзены ў Лондане, хоць у горадзе Торкі (графства Дэваншыр) ужо ўсталяваны бюст пісьменніцы, паведамляе скульптар. Адкрыццё мемарыяла прызначанае на 25 лістапада гэтага году, падзея прымеркаваная да 60-гадовага юбілею п'есы “Пастка”.
паводле day.kiev.ua

Чытайце таксама

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там…

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

іншыя навіны
424