— Андрый Бондар “Гісторыі значныя і нязначныя”;
— Яцак Дэнэль “Сатурн”;
— Міленка Ергавіч “Срда спявае ў сутонні ў Зялёныя Святкі”;
— Ласла Краснахаркаі “Вайна і вайна”;
— Магдалена Тулі “Італьянскія шпількі”;
— Міхал Віткоўскі “Дрывасек”;
— Томаш Змешкал “Любоўны ліст, пісаны клінапісам”.
— Першы раз журы не давялося весці заўсёдных спрэчак, ці варта ўлучаць у шорт-ліст літаратурны рэпартаж, — адзначыў Міраслаў Спыхальскі, адзін з суддзяў прэміі.
— Нашыя паседжанні былі гэтым разам надзіва спакойныя. Мы без спрэчак выбралі сем твораў, — сказаў суддзя Томаш Любеньскі. — Да фіналу не дайшлі ні літаратурныя рэпартажы, ні манаграфіі, хаця былі сярод іх і выбітныя кнігі. Проста сёлета столькі цудоўных раманаў, напісаных у розных стылях на высокім мастацкім узроўні! Гэта галасы маладога пакалення, і яны вельмі разнародныя. Гэтым разам аўтары не змагаліся з паваеннымі траўмамі Цэнтральнай Еўропы.
— Мы можам сцвярджаць, што раман цяпер пачуваецца вельмі добра, — падсумавала суддзя Юстына Сабалеўска.
Лаўрэат прэміі будзе названы ўжо 20 лістапада. Яго імя зробіцца вядомым падчас урачыстай цырымоніі ва Уроцлаўскай оперы. Пераможца атрымае чэк на 150 тысячаў злотых і статуэтку Angelus аўтарства Эвы Расана. Узнагароду атрымае таксама перакладчык кнігі-пераможцы — прэмію ў памеры 20 тысячаў злотых ахвяруе Найвышэйшая прафесійная школа імя Ангелуса Сілезіюса ў Валбжыху. Калі ўзнагароду атрымае польскі аўтар, журы вызначыць і найлепшага перакладчыка замежнага выдання.
Уручэнню ўзнагароды будуць папярэднічаць сустрэчы з аўтарамі. “Мы хочам, каб ва Уроцлаў прыехала як мага больш намінаваных пісьменнікаў і лаўрэат. Спадзяемся, што ўручэнне ператворыцца ў невялікі літаратурны фестываль”, — паведаміў Яраслаў Брода, дырэктар Уроцлаўскага дэпартамента культуры.
Урачыстае ўручэнне прэміі арганізуе музычны тэатр “Капітоль” і зрэжысуе Томаш Ман.