№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Пераможцам “Вялікай кнігі” стаў Данііл Гранін

28 лістапада 2012

Пераможцам “Вялікай кнігі” стаў Данііл Гранін
Раман “Мой лейтэнант” расказвае пра падзеі Вялікай Айчыннай вайны. Каментуючы атрыманне ўзнагароды, Гранін заявіў: “Мне ўпершыню спадабалася тое, што я напісаў”.

Акрамя асноўнай узнагароды Граніну таксама ўручылі спецыяльную прэмію “За гонар і годнасць”.

93-гадовы Данііл Гранін прайшоў усю вайну і пачаў літаратурную дзейнасць толькі ў пасляваенныя гады. Найбольш вядомыя яго раманы “Иду на грозу” і “Однофамилец”. Акрамя таго, у суаўтарстве з Алесем Адамовічам Гранін стварыў дакументальную хроніку блакаднага Ленінграда — “Блакадная кніга”.

Другое месца занялі Аляксандр Карчмоў і Яўгеній Папоў з кнігай “Аксёнаў”, якая апавядае пра пісьменніка і драматурга Васіля Аксёнава. Трэці радок — за сямейнай сагай Марыны Сцяпновай “Жанчыны Лазара”.

Акрамя таго, па выніках чытацкага галасавання ўзнагароды атрымалі Марыя Галіна з раманам “Медведки”, архімандрыт Ціхан (Георгій Шаўкуноў) са зборнікам апавяданняў “Несвятыя святыя” і “Жанчыны Лазара” Марыны Сцяпновай. Узнагароду за ўнёсак у літаратуру атрымаў дырэктар выдавецкага дома “Галімар” Антуан Галімар.

Усе творы, якія ўвайшлі ў шорт-ліст конкурсу, можна прачытаць на сайце “Вялікай кнігі”.

Прэмію “Вялікая кніга” ўручаюць з 2005 году. Прэміяльны фонд яе складае 6,1 мільёна рублёў. У 2011 годзе народнае галасаванне праходзіла на сумесным партале прэміі “Вялікая кніга” і сэрвісу “Имхонет”. Тады яе лаўрэатамі сталі Міхаіл Шышкін з раманам “Письмовник”, Дзмітрый Быкаў з раманам “Остромов, или Ученик чародея” і Юры Буйда з кнігай “Синяя кровь”.
паводле lenta.ru

Чытайце таксама

Абвешчаны доўгі спіс прэміі Шэрмана

Сябры журы перакладчыцкай прэміі імя Карласа Шэрмана вызначылі 12 кніг, якія ўвайшлі ў доўгі спіс у 2018 годзе.

Абвешчаны Доўгі спіс Прэміі імя Ежы Гедройца

Журы Прэміі імя Ежы Гедройца прачытала 32 пададзеныя на Прэмію кнігі і пасля абмеркавання зацвердзіла Доўгі спіс.

"Габрэйскі акцэнт": прэзентацыя новага нумару часопіса "ПрайдзіСвет"

11 верасня ў кнігарні “логвінаЎ” пройдзе вялікая “афлайнавая” прэзентацыя “Габрэйскага акцэнту” — новага нумару “ПрайдзіСвета” — з удзелам вядомых беларускіх аўтараў і перакладчыкаў.

Абвешчаны прыём прац на літаратурны конкурс "Экслібрыс" імя Францішка Скарыны

13 студзеня 2017 года ГА «Саюз беларускіх пісьменнікаў» абвяшчае пра пачатак прыёму прац на конкурс «Экслібрыс», які сёлета мае імя Францішка Скарыны, прымеркаваны да 500-годдзя беларускага кнігадрукавання…

іншыя навіны
163