№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Брытаніі выйдзе новы раман пра Эркюля Пуаро

9 верасня 2013

У Брытаніі выйдзе новы раман пра Эркюля Пуаро
Назву новай кнізе пакуль не прыдумалі. Вядома толькі, што яна выйдзе ў верасні наступнага году ў выдавецтве HarperCollins. Напісанне рамана, галоўным героем якога стане Эркюль Пуаро, ухвалілі ўнукі знакамітай пісьменніцы.

Нашчадкі Агаты Крысці падпісалі кантракт з Ханай, які дазваляе пісьменніцы выкарыстоўваць вядомы вобраз для стварэння новага твора. Хана ўжо напісала 100-старонкавы план рамана. Са словаў аўтаркі, гэта будзе ўсё той жа Пуаро, але могуць з’явіцца і новыя аспекты ў яго характары.

Сафі Хана за сваю пісьменніцкую кар’еру апублікавала некалькі дзясяткаў кніг (выдадзеныя ў 24 краінах свету) — зборнікаў вершаў, твораў для дзяцей і псіхалагічных трылераў. Яе творы былі намінаваныя на прэстыжныя літаратурныя прэміі і перакладзеныя на многія мовы свету. Агата Крысці памерла ў 1976 г.

Яе кнігі былі выдадзеныя па ўсім свеце агульным накладам 2 млрд асобнікаў і сталі асновай для мноства фільмаў і тэлесерыялаў. Першы твор пра Эркюля Пуаро “Загадкавае здарэнне ў Стайлз” выйшаў у свет у 1920 г., апошні — у 1975-м.

Эркюль Пуаро — былы камісар паліцыі Брусэля — апынуўся ў Англіі падчас Першай сусветнай вайны. Ён — герой больш чым 30 раманаў і пяці дзясяткаў апавяданняў Агаты Крысці. У шэрагу твораў з’яўляецца са сваім сябрам капітанам Артурам Гастынгсам, які, як і Джон Ўотсан, вядзе аповед ад свайго імені. У 1927 г. А. Крысці стварыла яшчэ адзін легендарны вобраз — міс Марпл.

У кінематографе найбольш ярка вобраз бельгійскага дэтэктыва перадаў Дэвід Сушэ ў серыяле “Пуаро Агаты Крысці”.

Пару гадоў таму такім жа спосабам быў выдадзены працяг гісторыі пра Шэрлака Холмса. Пісьменнік Энтані Горавіц са згоды нашчадкаў Артура Конана Дойла выдаў раман “Дом шоўку” пра знакамітага дэтэктыва.
паводле nn.by

Чытайце таксама

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і інтэрнэт-часопісам “ПрайдзіСвет” і з’яўляецца 15-м выданнем з серыі часопіса “PostScriptum”.

Амерыканскія дажынкі ў кнігарні Логвінаў

Рэдактарка кніжнай серыі "Амерыканка" Марыя Мартысевіч і перакладчык Ігар Кулікоў запрашаюць 6 верасня ў кнігарню "Логвінаў" на прэзентацыю рамана Чарльза Букоўскі “Чытво” па-беларуску.

Сталі вядомыя імёны фіналістаў прэміі імя Ежы Гедройца

Журы Прэміі імя Ежы Гедройца зацвердзіла Кароткі спіс. У яго ўвайшлі...

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там Аліса».

іншыя навіны
188