Забароненую біяграфію Сэлінджэра прададуць з аўкцыёну
15 лістапада 2013
Асобнік сігнальнага выпуску кнігі ўпершыню пойдзе з малатка 21 лістапада. Ён выстаўлены на таргі “Літаратура XIX—XX стагоддзя”. Ацэначны кошт выдання складае 4-6 тысяч даляраў.
Біяграфія Сэлінджэра была напісаная ангельскім літаратурным крытыкам, біёграфам і паэтам Енам Хэмілтанам. У 1987-м Сэлінджэр дамогся забароны на яе продаж, таму што ў ёй выкарыстоўваліся цытаты з яго неапублікаваных лістоў. Пробны наклад быў знішчаны. Кніга выйшла ў 1988 годзе ў змененым выглядзе: Хэмілтану давялося перапісаць фрагменты, якія Сэлінджэр не ўхваліў. На вокладцы выстаўленага выдання ў прозвішчы аўтара — Hamilton — дапушчаная памылка, у слове прапушчаная літара l.
На аўкцыёне Swann Auction Galleries з малатка пойдуць кнігі Джэйн Остэн, Ўільяма Фолкнэра, Джэймса Джойса і іншых аўтараў.