№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

За Гертай Мюлер шпіёніў пісьменнік

12 студзеня 2010

За Гертай Мюлер шпіёніў пісьменнік
Пра гэта паведамляецца ў выпуску перадачы Report Mainz, нямецкага палітычнага тэлечасопіса кампаніі ARD за 11 студзеня. Журналісцкі доказ пацвярджаецца дакументамі і паказаннямі сведкаў.

Паводле дадзеных журналістаў, Шляйх паведаміў секурытатэ – румынскай палітычнай паліцыі, – што ў першай кнізе Мюлер Niederungen (“Нізіны”, першае цэнзураванае выданне – 1982) праявіліся “антыдзяржаўныя настроі” аўтара. Затым у 1980-х гадах Шляйх шпіёніў за Мюлер для секурытатэ, карыстаючыся пры гэтым таемным іменем Войку (Voicu). Сама Мюлер пацвердзіла, што Войку і Шляйх – гэта адна асоба.

Журналістам таксама стала вядома, што нават пасля эміграцыі Шляйха ў Заходнюю Германію ён працягваў супрацоўнічаць з секурытатэ і на некаторы час вяртаўся ў Румынію, дзе зноўку даносіў спецслужбам. Пры гэтым былы сексот заявіў Report Mainz, што быў ахвярай рэжыму Чаўшэску, і адмовіўся адказваць на абвінавачанні.

Герта Мюлер піша па-нямецку. У 1987 годзе яна пераехала з Румыніі ў ФРГ, цяпер жыве ў Берліне. Многія яе кнігі прысвечаныя тэме жыцця ва ўмовах дыктатуры.
паводле lenta.ru

Чытайце таксама

267