№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Выйшла новая кніга Рыгора Барадуліна

19 студзеня 2010

Выйшла новая кніга Рыгора Барадуліна
, былога амерыканскага дыпламата. Фотамайстэрства і філасофія, кароткія выказванні вобразаў у тэксце і іх мастацкае адлюстраванне ў здымках ствараюць малюнак шматграннага роздуму над адвечнымі пытаннямі жыцця.



Народны паэт Рыгор Барадулін не здолеў прысутнічаць на вечарыне па стане здароўя. Падрабязней пра кнігу распавёў яе ўкладальнік і рэдактар, Алесь Камоцкі:

– Гэта кніжка, якую трэба гартаць. Для зручнасці ў ёй няма нумарацыі старонак. Калі сёння нейкае выслоўе не выклікае эмоцыяў, то заўтра абавязкова выкліча. Не кожны афарызм змяшчае гучную філасофію, некаторыя з іх асацыятыўныя, некаторыя выдзяляюць толькі адну эмоцыю, як усё ў жыцці.

Здымкі Джона Кунстадтэра — праваднікі па абшарах мудрасці, запаветаў, разваг і думак Барадуліна. Крыжы і буслянкі, бабулькі-сялянкі, вясковае жыццё беларускай вёскі, што адкрывае вачам чытачоў сутнасць і глыбіню беларускай культуры і прыроднай прыгажосці.

Джон Кунстадтэр працаваў у амерыканскай дыпламатычнай службе, у тым ліку і ў Беларусі ў якасці намесніка амбасадара ў 2000-2001 гадах. Цяпер Джон на пенсіі, а вольны час прысвячае фатаграфіі. Здымкі, якія ўвайшлі ў кнігу зроблены ў перыядзе з 2006 па 2009 гады падчас падарожжаў фотамастака па беларускіх мясцінах. Некалькі разоў на год Джон прыязджае ў Беларусь, каб спраўдзіць фотасесію для беларускіх краявідаў, а таксама вяскоўцаў, носьбітаў цікавай для фатографа культуры.

– Мы вандравалі па сярэдняй Прыпяці, – расказвае Джон Кунстадтэр. – Гэта цудоўныя вёскі. Яны не выміраюць, а нават растуць. Аднойчы я здымаў, а мае сябры пачалі размаўляць з жанчынай, сапраўднай паляшучкай. Яна распавядала пра свае справы, калі яе сын вярнуўся дамоў, яна вельмі ветліва і ціха загадала яму нешта зрабіць. Ён адразу пайшоў выконваць загад маці. Я здзівіўся і запытаўся, чаму ён яе адразу паслухаў. Яна патлумачыла ўсё адным словам: “Мусіць”. Я адчуў у гэтым моманце сэрца Беларусі.

Разам з прэзентацыяй кнігі адкрылася фотавыстава Джона Кунстадтэра — трэцяя па ліку персанальная выстава фотамастака ў Беларусі, якая налічвае больш за два дзесяткі твораў. Арганізацыйную дапамогу ў выданні кнігі аказала Згуртаванне беларусаў свету “Бацькаўшчына”.

Фотаздымкі Джона Кунстадтэра можна глядзець тут: radzimaphoto.com.
паводле budzma.org

Чытайце таксама

Прэзентацыя зборніка вершаў Баляслава Лесьмяна

30 лістапада 2017 года а 19-ай гадзіне ў кнігарні “Сон Гогаля”(вул. Леніна, 15) у рамках цыкла “МЕСЯЦ ПОЛЬСКАЙ ЛІТАРАТУРЫ” адбудзецца прэзентацыя зборніка выбраных вершаў Баляслава Лесьмяна ў перакладзе…

Абвешчаны кароткі спіс прэміі Арсенневай

У шорт-ліст прэміі імя Наталлі Арсенневай 2018 увайшлі дзевяць паэтычных кніг

Вынікі году па версіі Андрэя Хадановіча: перакладная паэзія

Апошнім часам пры канцы года зрабілася модным падводзіць вынікі. І літаратары не выключэнне. Складаецца ўражанне, што сёлета ў Беларусі заўважна актывізавалася паэтычнае жыццё.

Трэці "Холмс" па-беларуску: з чаго ўсё пачалося

У выдавецтве “Янушкевіч” выйшла трэцяя кніга з серыі пра Шэрлака Холмса. У ёй пад адной вокладкай змешчаныя дзве аповесці Артура Конана Дойла — “Эцюд у пунсовым” і твор, які даў кнізе назву — “Знак чатырох”.…

іншыя навіны
526