Рэйтынг замежных пісьменнікаў ўзначаліла стваральніца вампірскай сагі "Прыцемкі" Стэфані Маер, якая пасунула з першага месца Паўлу Каэлью. У спісе дзіцячых аўтараў таксама змяніўся лідэр: месца Уладзіміра Сцяпанава заняў Карней Чукоўскі. Акрамя таго, з дзесяткі сенсацыйна знікла Джоан Роўлінг, якая раней стабільна прысутнічала ў рэйтынгах.

Страты галіны ў крызісны год апынуліся не занадта прыкметныя. Так, у 2009 годзе ў Расеі выйшла 127,6 тысячы назваў кніг і брашураў сукупным накладам у 716,55 мільёнаў асобнікаў. У параўнанні з 2008 годам колькасць назваў вырасла на 3,5 адсоткі, а тыражы знізіліся на 5,8 адсоткаў. Намеснік міністра па справах друку Уладзімір Грыгор'еў выказаў здагадку, што крызіс можа адбіцца пазней, бо "кніжная індустрыя інэртная", піша газета.

Зрэшты, наступствы крызісу ўжо адбіліся на расійскіх кнігарнях: у 2009 годзе зачыніліся ад 150 да 200 з іх. Тым не менш, продажы кніг праз інтэрнэт толькі раслі.