Абвяшчаючы лаўрэата, старшыня журы, паэт Эндру Моўшн сказаў: "Гэта дзівосная кніга. Зразумела, вельмі смешная, але і вельмі разумная, сумная і тонкая. У ёй ёсць усё, чаго ад яе чакаеш, і значна больш. Цалкам заслужаная перамога".
Да цяперашняга сезону кнігі Джэйкабсана ніколі не траплялі ў "кароткі спіс" Букера, хоць двойчы, у 2002 і 2006, былі ў лонг-лісце.
У шорт-ліст Букера 2010 году, які быў абвешчаны 7 верасня, уваходзілі яшчэ пяць пісьменнікаў:
- Пітэр Кэры - "Папугай і Аліўе ў Амерыцы" (Parrot and Olivier in America);
- Эма Донах'ю - "Пакой" (Room);
- Дэйман Гэлгут - "У дзіўным пакоі" (In a Strange Room);
- Андрэа Леві - "Доўгая песня" (The Long Song);
- Том Макарці - "Сі" (C).
Паводле інфармацыі, апублікаванай днём 12 кастрычніка агенцтвам AFP, фаварытам прэміі быў раман "Сі" Тома Макарці, на перамогу якога лонданскія букмекеры прымалі стаўкі з каэфіцыентам 8:15 – найвышэйшым за ўсю гісторыю прэміі.
Прэмія Букер уручаецца з 1969 году і лічыцца адной з самых прэстыжных літаратурных узнагародаў у ангельскай літаратуры. Грашовая частка прэміі складае 50 тысяч фунтаў ($79 тысяч).
Летась Букер быў прысуджаны брытанскай пісьменніцы Хілары Мэнтэл за кнігу “Вулф-хол” (Wolf Hall).