№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Памерла Бэла Ахмадуліна

29 лістапада 2010

Памерла Бэла Ахмадуліна
У стужках інфармагенцтваў паведамленняў аб смерці Ахмадулінай не з'яўлялася.

Бэла Ахмадуліна нарадзілася ў 1937 годзе. У 1960 годзе яна скончыла Літаратурны інстытут, а першы яе зборнік ("Струна") быў апублікаваны ў 1962 годзе. Наступны яе зборнік – "Озноб" – выйшаў не ў Савецкім Саюзе, а ў Франкфурце.

Ахмадуліна належала да пакалення "шасцідзясятнікаў", зрабіўшыся адным з самых яркіх яго прадстаўнікоў. Разам з ёй у ліку самых вядомых пісьменнікаў-шасцідзясятнікаў звычайна называюць імёны Яўгенія Еўтушэнкі, Андрэя Вазнясенскага, Роберта Раждзественскага, Рымы Казаковай, Андрэя Бітава, Васіля Аксёнава і іншых.

Ахмадуліна ўдзельнічала (гэтак жа, як і Яўгеній Папоў) у стварэнні літаратурнага альманаха "Метрополь", які выйшаў ў 1979 годзе самвыдатаўскім спосабам у 12 асобніках. У альманаху бралі ўдзел пісьменнікі, якія практычна не дапускаліся да афіцыйнага друку. "Метрополь" адразу зрабіўся вядомым у асяроддзі савецкай творчай інтэлігенцыі і быў перадрукаваны на Захадзе.

У 1993 годзе Ахмадуліна падпісала "ліст сарака двух", у якім вядомыя літаратары патрабавалі забараніць "усе віды камуністычных і нацыяналістычных партый, франтоў і аб'яднанняў".

Першым мужам Ахмадулінай быў паэт Яўгеній Еўтушэнка, другім – пісьменнік Юрый Нагібін, трэцім – мастак і сцэнограф Барыс Месерэр.

Б. Ахмадуліна – сябра Саюза расійскіх пісьменнікаў, выканкама Рускага ПЭН-цэнтра і шэрагу іншых арганізацый. Яна ўзнагароджаная некалькімі ордэнамі, у прыватнасці, "За заслугі перад Айчынай II ступені" і "За заслугі перад Айчынай III ступені". У 2004 годзе Бэла Ахмадуліна стала лаўрэатам Дзяржаўнай прэміі ў галіне літаратуры і мастацтва.
паводле lenta.ru

Чытайце таксама

Прэмію Шэрмана ўручаць 25 кастрычніка

Сёлета на прэмію Шэрмана намінаваліся 32 кнігі, перакладзеныя з 15 моваў.

Нобелеўскую прэмію па літаратуры атрымаў Кадзуа Ісігура

Сёлета лаўрэатам Нобелеўскай прэміі ў галіне літаратуры стаў Кадзуа Ісігура.

Найлепшая перакладная проза за 2017 па версіі Андрэя Хадановіча

Перакладной прозы за мінулы год у нас выйшла столькі, што і літаратурныя крытыкі звярнулі ўвагу, і некаторыя арыгінальныя празаікі спалохаліся: а ці такія яны ўжо арыгінальныя, каб вытрымаць гэту канкурэнцыю.

Кніжная серыя "Амерыканка" шукае чытачоў праз краўдфандынг: Кізі, Паланюк, Букоўскі і Этвуд па-беларуску

Падчас краўдфандынг-кампаніі “Лета з “Амерыканкай” на платформе ulej.by, перакладчыкі і выдаўцы спадзяюцца сабраць 30 тысячаў беларускіх рублёў на выпуск чатырох пілотных кніг серыі. У малым, кішэнным…

іншыя навіны
177