№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

“Кнігай году Бі-Бі-Сі 2010” назвалі раман Жадана

10 снежня 2010

“Кнігай году Бі-Бі-Сі 2010” назвалі раман Жадана
На ўручэнні прэміі Сяргія Жадана не было - ён цяпер у ЗША. Такім чынам, узнагароду ў 1000 фунтаў стэрлінгаў дырэктару выдавецтва "Фоліа" ўручыў надзвычайны і паўнамоцны пасол Злучанага Каралеўства Вялікабрытаніі і Паўночнай Ірландыі ва Украіне Лі Тэрнер.

Нагадаем, Сяргій Жадан ужо рабіўся пераможцам кніжнай прэміі "Кніга году Бі-Бі-Сі" ў 2006 годзе (за кнігу "Капітал").

"Ворошиловград" быў абраны з ліку 5 фіналістаў конкурсу ("Груші в тісті" Юрыя Вінічука, "Музей покинутих секретів" Аксаны Забужкі, "Дрозофіла над томом Канта" Анатоля Дністравога, "Століття Якова" Уладзіміра Ліса).

Пераможцу вызначала экспертнае журы. Усяго да ўдзелу ў конкурсе ўкраінскімі выдавецтвамі было пададзена 32 кнігі. Да ўдзелу дапускаліся новыя кнігі прозы, напісаныя на ўкраінскай мове і выдадзеныя паміж вераснем 2009 і вераснем 2010 году.

Экспертамі Бі-Бі-Сі сёлета сталі прафесар УКМА Вера Агеева, дэпутат Вольга Герасімюк, тэлевядучы Андрэй Кулікоў, журналіст "Украінскай праўды" Ірына Славінская і адміністратар прэміі, прадусар Бі-Бі-Сі Святлана Пыркала.

Варта заўважыць, што на цырымоніі ўзнагароджання, акрамя Сяргія Жадана, не прысутнічалі Юры Вінічук і Анатоль Дністравы.

У рамках прэміі "Кніга году Бі-Бі-Сі" быў вызначаны пераможца ў конкурсе чытацкіх рэцэнзій. Ім стаў Давід Ліфшыц з Харкава за рэцэнзію "Раман філосафа" на кнігу Аксаны Забужкі "Музей покинутих секретів".
паводле zaxid.net

Чытайце таксама

Абвешчаны кароткі спіс прэміі Арсенневай

У шорт-ліст прэміі імя Наталлі Арсенневай 2018 увайшлі дзевяць паэтычных кніг

Сэкс, джаз і алкаголь: выйшаў даведнік па Вільні шалёных 70-х

Пасля цяжкай працяглай працы выйшаў з друку першы беларускі пераклад славутага рамана "Віленскі покер" Рычарда Гавяліса. Антысавецкі дэтэктыў, эратычны трылер і разам з тым даведнік па аўтэнтычнай Вільні,…

Адкрыты прыём заявак на прэмію Шэрмана

Прэмія Шэрмана ўручаецца за найлепшы пераклад мастацкай кнігі на беларускую мову. Пераможца атрымае чэк на суму, эквівалентную 2000 у.а. Падаць заяўку можна да 10 ліпеня.

Сталі вядомыя імёны фіналістаў прэміі імя Ежы Гедройца

Журы Прэміі імя Ежы Гедройца зацвердзіла Кароткі спіс. У яго ўвайшлі...

іншыя навіны
311