№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Польшчы з'явіўся Інстытут імя Козліка Матоліка

7 красавіка 2011

У Польшчы з'явіўся Інстытут імя Козліка Матоліка
Еўрапейскі цэнтр казкі павінен стаць тым месцам, куды прыязджаюць — і даведваюцца пра казкі ўсё. Яго галоўная мэта — вучыць гуляючы і гуляць вучачыся, паведамляе “Rzeczpospolita”. “Пад назвай “інстытут” не хаваецца навуковая ўстанова ў традыцыйным разуменні”, — гаворыць дырэктар Інстытута Караліна Кэмпчык.

Інстытут казкі будзе арганізоўваць майстар-класы і канферэнцыі, якія датычаць дзіцячай літаратуры, а таксама канферэнцыі ў галіне дзіцячай псіхалогіі і педагогікі. Другой галіной дзейнасці будзе спрыянне студэнтам універсітэта ў Кельцах праходзіць педагагічную практыку.

Прафесар Марэк Контны, знаўца дзіцячай літаратуры, называе “ўнікальнай формулай” спалучэнне навуковага плёну ўніверсітэта і практыкі Еўрапейскага цэнтра казак: “Мы лічым, што дзякуючы гэтаму ўдасца зрабіць так, каб свет казкі пачаў функцыянаваць у нашай свядомасці як той, што стварае новы абшар для развіцця асобы дзіцяці”.

Стваральнікі дзіцячай літаратуры ў сваю чаргу спадзяюцца, што інстытут стане месцам іх сустрэчаў з чытачамі, а таксама базай для пошуку прычынаў таго, што цікавасць да казак у дзяцей і іх бацькоў занепадае.

Біяграфічная даведка. Козлік Матолік (Koziołek Matołek) — герой культавага польскага комікса, створанага ў 1933 г. Карнэлем Макушыньскім (тэкст) і Мар'янам Валентыновічам (малюнкі). Гісторыі пра Козліка Матоліка ўвайшлі ў скарбонку класічнай польскай дзіцячай літаратуры.
паводле rp.pl

Чытайце таксама

255