№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Чылі расследуюць смерць Пабла Неруды

3 чэрвеня 2011

У Чылі расследуюць смерць Пабла Неруды
Асноўнай версіяй смерці аднаго з самых яркіх лацінаамерыканскіх пісьменнікаў лічыўся рак, аднак цяпер чылійскія ўлады вырашылі праверыць, не ці стаў Неруда ахвярай забойства.

Расследаванне прычыны смерці Неруды ініцыяваў сябар і асабісты памочнік паэта Мануэль Арай, які звярнуўся з адпаведным запытам у суд. Паводле яго заявы, Неруда стаў ахвярай рэжыму Піначэта.

Як расказаў Арай, ён знаходзіўся з Нерудам да апошніх гадзін яго жыцця. Памочнік паэта настойвае на тым, што 69-гадовага нобелеўскага лаўрэата адправілі ў клініку Святой Марыі ў Сант'яга не праз пагаршэння стану паэта, а “ў мэтах яго бяспекі”.

Па словах Арая, Неруда перажываў, што новы рэжым хоча ад яго пазбавіцца, а Піначэт баяўся, што паэт збяжыць з краіны. “Піначэт быў забойцам. Ён скончыў з Нерудам, каб той не мог з’ехаць з краіны. Ён (Піначэт) не хацеў бачыць апанента ў асобе інтэлектуала”, — кажа Арай.

У Фондзе Пабла Неруды (Fundacion Pablo Neruda) па-ранейшаму ўпэўненыя, што паэт памёр 23 верасня 1973 году ад раку прастаты, ускладненага стрэсам пасля зрынання Піначэтам прэзідэнта Чылі Сальвадора Альендэ, з якім Неруда падтрымліваў сяброўскія адносінах.

Згодна з заявай Фонду, які валодае правамі на творы паэта, Неруда памёр ад раку ў позняй стадыі і ніякіх доказаў іншай прычыны смерці нобелеўскага лаўрэата няма.

Неруда, які стаў лаўрэатам Нобелеўскай прэміі па літаратуры ў 1971 годзе, вядомы сваімі вершамі пра каханне, а таксама эпічнай паэмай “Усеагульная песня” (Canto General), якая расказвае пра гісторыю народаў Паўднёвай Амерыкі. Неруда быў актыўным чальцом Камуністычнай партыі Чылі, і ў перыяд дыктатуры Піначэта з 1973 да 1990 гг. яго творы былі забароненыя.

Расследаванне смерці паэта было ініцыяванае неўзабаве пасля эксгумацыі парэшткаў Альендэ, якая прайшла 23 траўня 2011. Адзінага меркавання наконт прычыны смерці экс-прэзідэнта таксама няма. Паводле адной версіі, ён застрэліўся з аўтамата падчас штурму прэзідэнцкага палаца прыхільнікамі Піначэта. Паводле іншай, ён быў забіты. Канчаткова высветліць прычыну смерці мусіць спецыяльная камісія медэкспертаў.
паводле lenta.ru

Чытайце таксама

Прэзентацыя зборніка вершаў Баляслава Лесьмяна

30 лістапада 2017 года а 19-ай гадзіне ў кнігарні “Сон Гогаля”(вул. Леніна, 15) у рамках цыкла “МЕСЯЦ ПОЛЬСКАЙ ЛІТАРАТУРЫ” адбудзецца прэзентацыя зборніка выбраных вершаў Баляслава Лесьмяна ў перакладзе…

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

Новыя пераклады сучаснай беларускай літаратуры выйшлі ў Польшчы

Адразу тры кнігі беларускіх аўтараў выйшлі цягам ліпеня ў люблінскім выдавецтве “Warsztaty kultury“.

Па-беларуску выйшаў знакаміты раман албанца Ісмаіла Кадарэ

Максім Мудроў пераклаў на беларускую мову раман Ісмаіла Кадарэ "Хроніка ў камені". Гэтая кніга лічыцца адным з самых вядомых твораў албанскага пісьменніка. А Кадарэ — зорка першай велічыні. Беларусы сталі…

іншыя навіны
110