№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Месяц шведскай літаратуры ў кнігарні “логвінаЎ”

2 лютага 2012

Месяц шведскай літаратуры ў кнігарні “логвінаЎ”
7 лютага (аўторак).

Пасля ўрачыстага адкрыцця, дзе выступяць ганаровыя госці, адбудзецца літаратурная вечарына “Глобус Швецыі”, на якой Лявон Баршчэўскі выступіць з перакладамі Нобелеўскага лаўрэата Тумаса Транстромера, Уладзімір Арлоў падзеліцца ўражаннямі ад вандроўкі за Палярнае кола на шведска-фінскае памежжа, Вера Бурлак прачытае вершы-імпрэсіі пра скандынаўскія авіялініі, Валянціна Аксак і Валярына Кустава раскажуць пра выспу Готланд. Вядоўца імпрэзы — Андрэй Хадановіч.
Пачатак а 19-й.

12 лютага (нядзеля)

Ранішнік для дзетак з прэзентацыяй кнігі Юі Вісландэр “Мама Му чытае” і Юі і Тумаса Вісландэраў “Малы і Білан” з удзелам аўтаркі Юі Вісландэр і яе беларускай перакладчыцы Надзеі Кандрусевіч, а таксама спевакоў Змітра Вайцюшкевіча і Галіны Казіміроўскай, якія запісалі кружэлку з Юінымі казкамі і песенькамі. Лялечны тэатрык Веранікі Фаміной “Лямцавая батлейка” прадставіць сваю версію Мамы Му. Дзеткі і дарослыя, прыходзьце!
Пачатак а 14-й.

18 лютага (субота)

Прэзентацыя дзіцячай кнігі Ульфа Старка “Дыктатар” (папяровае выданне+электронная версія) з удзелам аўтара, а таксама літаратуразнаўцы Яніны Арлоў, і перакладчыцаў Насты Лабады і Вольгі Рызмаковай. Вядоўца — Андрэй Хадановіч.
Пачатак а 14-й.

28 лютага (аўторак)

Вечар шведскага дэтэктыву. Паказ фільма паводле рамана Стыга Ларсана і абмеркаванне феномена шведскага дэтэктыву. Вядоўца — культуролаг Максім Жбанкоў.
Пачатак у 18.30.

12 сакавіка (панядзелак)

Nobel-party. Імпрэза,прысвечаная паэту-набелісту Тумасу Транстромеру, з удзелам перакладчыка Лявона Баршчэўскага і рэжысёра Лейфа Ульсана. Мадэратар — Андрэй Хадановіч.
Пачатак а 19-й.

15 сакавіка (чацвер)

Тэатралізаваны вечар, прысвечаны класіку сусветнай драматургіі Аўгусту Стрындбергу. З удзелам актораў мінскіх тэатраў, рэжысёра Лейфа Ульсана і дырэктара Тэатра беларускай драматургіі Валерыя Анісенкі.
Пачатак а 19-й.

Пра аўтараў

Ульф Старк (Ulf Stark)

Адзін з самых вядомых еўрапейскіх дзіцячых пісьменнікаў. Нарадзіўся ў 1944 годзе ў Стакгольме. Дэбютаваў як аўтар кніг для дарослых. У 1984 годзе вырашыў цалкам прысвяціць сябе дзіцячай літаратуры. Лаўрэат прэстыжнай прэміі Андэрсэна. Піша вясёлыя і мудрыя кнігі, ад фэнтэзі да дзіцячых вершаў.

Юя Вісландэр (Jujja Vislander)

Шведская дзіцячая пісьменніца. Нарадзілася ў 1944. Вядомая сваімі вясёлымі гісторыямі пра адважную гарэзу карову Му, яе сябра-хвалька крумкача Кракса і іх сумесныя прыгоды. У 2005 годзе творчы дуэт Юі і Тумаса быў уганараваны прэміяй імя Астрыд Ліндгрэн.

Яніна Арлоў (Janina Оrlov)

Нарадзілася ў 1955. Перакладчыца, літаратуразнаўца, актыўная ўдзельніца фармавання культурнай палітыкі сваёй краіны.

Лейф Ульсан (Leif Olson)

Нарадзіўся ў 1938. Шведскі рэжысёр, сцэнарыст, актор.

Адрас кнігарні “логвінаЎ”: пр-т. Незалежнасці, 37А.

Кантактны тэлефон: (044) 723-65-74 (Павал).

Чытайце таксама

Новыя пераклады сучаснай беларускай літаратуры выйшлі ў Польшчы

Адразу тры кнігі беларускіх аўтараў выйшлі цягам ліпеня ў люблінскім выдавецтве “Warsztaty kultury“.

Амерыканскія дажынкі ў кнігарні Логвінаў

Рэдактарка кніжнай серыі "Амерыканка" Марыя Мартысевіч і перакладчык Ігар Кулікоў запрашаюць 6 верасня ў кнігарню "Логвінаў" на прэзентацыю рамана Чарльза Букоўскі “Чытво” па-беларуску.

Сэкс, джаз і алкаголь: выйшаў даведнік па Вільні шалёных 70-х

Пасля цяжкай працяглай працы выйшаў з друку першы беларускі пераклад славутага рамана "Віленскі покер" Рычарда Гавяліса. Антысавецкі дэтэктыў, эратычны трылер і разам з тым даведнік па аўтэнтычнай Вільні,…

У 2017 годзе Скарына выдаваў бы Біблію праз краўдфандынг: 5 фактаў да 500-годдзя ад кніжнай серыі "Амерыканка"

іншыя навіны
170