№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

У Брытаніі пройдзе Сусветная ноч кніг

23 лютага 2012

У Брытаніі пройдзе Сусветная ноч кніг
Гэтым разам арганізатары акцыі плануюць раздаць роўна мільён кніг бясплатна.

У межах акцыі аўтарам, чые кнігі будуць распаўсюджвацца актывістамі, было прапанавана зрабіць задачу крыху больш цікавай і абраць па адной кнізе, якую яны хацелі б прарэкламаваць уласным чытачам. Фрагменты памерам у некалькі раздзелаў з любімых кніг аўтараў будуць прыкладацца да асобніка “асноўнай” кнігі.

У акцыі бяруць удзел шматлікія сусветна вядомыя пісьменнікі, якім далі магчымасць прадэманстраваць уласны густ. Так, знакаміты ангельскі фантаст Тэры Пратчэт вырашыў пазнаёміць сваіх чытачоў з Гілбертам Кітам Чэстэртанам, Стывен Кінг узяўся “прарэкламаваць” адзін са сваіх любімых раманаў “The Iron Will of Shoeshine Cats” Хэша Кестына, які ён назваў “найлепшым раманам, які вы ніколі не чыталі” і “Хросным бацькам” з дамешкам дурманнага газу”. Аўтар папулярных трылераў Марціна Коўл абрала “Брайтанскі лядзяш” Грэма Грына, бразільскі пісьменнік Паўлу Куэлью — зборнік “Алеф” Хорхе Луіса Борхеса, Кадзуа Ішыгура — “Нецярпенне сэрца” Штэфана Цвайга, а Дон Патэрсан — санэты Шэкспіра.

Арганізатары Сусветнай ночы кніг заяўляюць, што мэта іх мерапрыемства — нагадаць людзям пра радасць, якую прыносіць чытанне. Бо жаданне пачаць новую кнігу, калі ты ўжо нешта прачытаў, знаёмая кожнаму з нас. Яны таксама дадалі, што калі чытачы і не дабяруцца да твораў, прапанаваных пісьменнікамі як дапаўненні, задумка сябе ўжо апраўдала: прызабыты сатырычны дэтэктыўны раман Хэша Кестына, прапанаваны Стывенам Кінгам, дзеля такога выпадку вырашылі зноў выдаць у Брытаніі.
паводле novostiliteratury.ru

Чытайце таксама

Абвешчаны кароткі спіс прэміі Арсенневай

У шорт-ліст прэміі імя Наталлі Арсенневай 2018 увайшлі дзевяць паэтычных кніг

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

Абвешчаны прыём прац на літаратурны конкурс "Экслібрыс" імя Францішка Скарыны

13 студзеня 2017 года ГА «Саюз беларускіх пісьменнікаў» абвяшчае пра пачатак прыёму прац на конкурс «Экслібрыс», які сёлета мае імя Францішка Скарыны, прымеркаваны да 500-годдзя беларускага кнігадрукавання…

Прэзентацыя зборніка вершаў Баляслава Лесьмяна

30 лістапада 2017 года а 19-ай гадзіне ў кнігарні “Сон Гогаля”(вул. Леніна, 15) у рамках цыкла “МЕСЯЦ ПОЛЬСКАЙ ЛІТАРАТУРЫ” адбудзецца прэзентацыя зборніка выбраных вершаў Баляслава Лесьмяна ў перакладзе…

іншыя навіны
128