Кіраўнік даследавання паведаміў, што сучасныя тэхналогіі электронных кніг значна спрашчаюць жыццё людзей, якія не хочуць дэманстраваць на публіцы свае прыхільнасці ў чытанні. Аднак для многіх сталі адкрыццём цяперашнія густы дарослых чытачоў.

Іншае апытанне, праведзенае раней, паказала, што больш чым траціна чытачоў наогул саромеецца паведамляць, што менавіта яны чытаюць. А кожны пяты заявіў, што калі ён страціць сваю калекцыю кніг, то яму будзе сорамна патрабаваць іх назад.

71% кніг, выстаўленых на паліцах крамаў, складаюць аўтабіяграфіі, мемуары палітычных дзеячаў і іншыя навукова-папулярныя творы. Але толькі 14% апытаных чытачоў аддаюць перавагу такой літаратуры. Між тым як самымі папулярнымі электроннымі кнігамі застаюцца трылеры, рамантычныя навелы, фантастыка і фэнтэзі.

Прычым збольшага людзі бяздумна запампоўваюць сабе кнігі, не чытаючы нават траціны з іх. А кожны дзясяты кніг увогуле не запампоўвае, чытаючы адзін і той жа тэкст, што захоўваецца ў памяці рыдэра. У асноўным гэта эратычная літаратура, а зусім не біяграфіі ці палітычныя мемуары, якія прапануюць крамы ў немалых колькасцях.