№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 18 студзеня

  • 1689

    Нарадзіўся Шарль-Луі дэ Мантэск'ё (фр. Charles-Louis de Seconda, Baron de La Brède et de Montesquieu; памёр 10 лютага 1755), французскі пісьменнік, правазнаўца і філосаф, аўтар рамана “Персідскія лісты” (Lettres persanes, 1721), артыкулаў з “Энцыклапедыі, альбо Тлумачальнага слоўніка навук, мастацтваў і рамёстваў”. Вядомы таксама фармуляваннем прынцыпу падзялення ўлады на тры галіны.

  • 1867

    Нарадзіўся Рубэн Дарыа (гішп. Rubén Darío, сапр. Félix Rubén García Sarmiento; памёр 6 лютага 1916), знакаміты нікарагуанскі паэт і дыпламат, вядомы як “прынц кастыльскай літаратуры”, “бацька гішпанамоўнага мадэрнізму” дзякуючы велізарнаму ўнёску ў развіццё гішпанамоўнай паэзіі XX стагоддзя. Яго родны горад Метапа быў перайменаваны ў яго гонар у Сьюдад Дарыа. Наследаваў французскім парнасцам і сімвалістам, трымаўся верленаўскага прынцыпу “музыка перадусім”.

  • 1882

    Нарадзіўся Алан Аляксандр Мілн (анг. Alan Alexander Milne; памёр 31 студзеня 1956), ангельскі пісьменнік, драматург. Найперш вядомы як аўтар знакамітых аповесцяў пра Віні-Пуха, якія першапачаткова былі напісаныя для сына пісьменніка Крыстафера Робіна. Да іх выхаду Мілн быў ужо вядомым драматургам, але поспех Віні-Пуха засланіў сабой усе астатнія творы настолькі, што цяпер яны амаль невядомыя.

  • 1912

    Нарадзіўся Пётра Сыч (памёр 20 чэрвеня 1963), беларускі пісьменнік, мемуарыст, журналіст. Найбольш значны яго твор “Смерць і салаўі” прысвечаны адной з вызначальных стратэгічных аперацыяў Другой сусветнай вайны – бітве пад Монтэ-Касіна ў студзені-траўні 1944 году.

  • 1914

    Нарадзіўся Вітаміл Зупан (славенск. Vitomil Zupan, памёр 14 траўня 1987), славенскі паэт, празаік, драматург. Адзін з найбольш значных славенскіх пісьменнікаў другой паловы XX стагоддзя. Пасля публікацыі рамана “Менуэт для дваццаціпяцізараднай гітары” (Menuet za kitaro (Na petindvajset strelov), 1975) яго пачалі называць “славенскім Хэмінгуэем”.

  • 1936

    Нарадзіўся Васіль Сёмуха, беларускі перакладчык з нямецкай, польскай, латышскай, лацінскай, гішпанскай, нарвежскай, армянскай, украінскай і іншых моваў. З 1972 па 1994 быў рэдактарам выдавецтва “Мастацкая літаратура”. Пераклаў Біблію, Стары і Новы Запаветы, на беларускую мову. З нямецкай перакладаў творы Ё.-В. Гётэ, Ф. Шылера, Г. Гайнэ, Э. Т. А. Гофмана, Г. Я. Грымельсгаўзэна, Ф. Ніцшэ, Б. Брэхта, Ф. Дзюрэнмата, Г. Гесэ, Т. Мана, Р. М. Рыльке, П. Зюскінда ды іншых; з польскай – творы А. Міцкевіча, Ю. Славацкага, Ц. К. Норвіда, Ю. Тувіма, У. Сыракомлі; з латышскай – творы Я. Райніса, А. Чакса, В. Бэлшавіцы, З. Скуіньша, А. Бэлса, А. Вацыеціса ды інш.

  • 1936

    Памёр Джозэф Рэд’ярд Кіплінг (анг. Joseph Rudyard Kipling; нар. 30 снежня 1865), ангельскі пісьменнік, паэт, навеліст, першы англамоўны аўтар, які атрымаў Нобелеўскую прэмію па літаратуры (1907). Найлепшымі творамі лічацца “Кніга джунгляў” (The Jungle Book, 1894), “Кім” (Kim, 1901) і шматлікія вершы. У 1885 г. быў прыняты ў масоны і адлюстраваў свой масонскі досвед у знакамітай паэме “Мацярынская Ложа” (The Mother Lodge). На беларускую вершы Кіплінга перакладаў Рыгор Барадулін.