№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 25 студзеня

  • 1759

    Нарадзіўся Роберт Бэрнс (анг. Robert Burns, памёр 21 ліпеня 1796), народны паэт Шатландыі, фалькларыст, выдатны прадстаўнік шатландскага нацыянальнага адраджэння. Аўтар шматлікіх гумарыстычных або саркастычных вершаў, напісаў або запісаў каля 200 песняў для славутага шматтомнага фальклорнага збору “Шатландскі музычны музей” (The Scot’s Musical Museum, 1787–1803). З найбольш вядомых твораў – паэмы “Тэм О’Шэнтар” (Tam o’Shanter, 1790), “Шчырая беднасць” (For A’That and A’That, 1795), “Ода, прысвечаная памяці місіс Освальд” (Ode, sacred to the Memory of Mrs. Oswald, 1789), балада “Джон Ячменае Зерне” (John Barleycorn, 1782), поліфанічная кантата “Вясёлыя жабракі” (The Jolly Beggars, 1785), паэма “Малітва святошы Вілі” (Holy Willie’s Prayer), “Святы кірмаш” (The Holy Fair, 1786). Імем Бэрнса названая вельмі распаўсюджаная ў шатландская паэзіі страфа, таксама вядомая як стандартны габі. Натхняльнікам і нават настаўнікам для Бэрнса стаў Роберт Фэргюсан. Апошнія гады Бэрнс правёў у галечы і за тыдзень да смерці ледзь не трапіў у пазыковую турму. Выбраныя творы Р. Бэрнса два разы выходзілі асобнымі выданнямі на беларускай мове ў перакладах Язэпа Семяжона (“Шатландская слава”, 1957, і “Вам слова, Джон Ячмень”, 1982). Сярод перакладчыкаў паасобных вершаў Бэрнса – Ю. Гаўрук, Г. Дубянецкая і інш. Дзень нараджэння Роберта Бэрнса – нацыянальнае свята Шатландыі.

  • 1804

    Нарадзіўся Антоні Эдвард Адынец (памёр 15 студзеня 1885), беларускі паэт, перакладчык, мемуарыст, выдавец. Пісаў на польскай мове.

  • 1874

    Нарадзіўся Ўільям Сомерсэт Моэм (анг. William Somerset Maugham, памёр 16 снежня 1965), ангельскі пісьменнік, драматург. Сусветную вядомасць пісьменніку прынеслі раманы “Цяжар пакутаў чалавечых” (Of Human Bondage, 1915), “Месяц і грош” (The Moon and Sixpence, 1919), “Размаляваны вэлюм” (The Painted Veil, 1925), “Тэатр” (Theatre, 1937) і інш. Аўтар п’есаў “Лэдзі Фрэдэрык” (Lady Frederick, 1912), “Кола” (The Circle, 1921), зборнікаў навелаў “Трапятанне ліста” (The Trembling of a Leaf, 1921), “Ад першай асобы” (Six Stories Written in the First Person Singular, 1931), “Забаўкі лёсу” (Creatures of Circumstance, 1947), інш. На беларускую мову навелы Моэма перакладалі В. Валынскі, Я. Міклашэўскі, Я. Верабей.

  • 1882

    Нарадзілася Вірджынія Вулф (анг. Virginia Woolf, памерла 28 сакавіка 1941), ангельская пісьменніца, публіцыст, выдавец, адна з найбольш значных тэарэтыкаў і практыкаў мадэрнізму. Найбольш вядомыя творы – раманы “Падарожжа” (The Voyage Out, 1915), “Місіс Дэлаўэй” (Mrs Dalloway, 1925), “Арланда” (Orlando, 1928), “Хвалі” (The Waves, 1931), зборнікі апавяданняў “Знак на сцяне” (The Mark on the Wall, 1917), “Сады К’ю” (Kew Gardens, 1919). Аўтар шэрагу ўплывовых эсэ – “Сучасная мастацкая літаратура” (Modern Fiction, 1919), “Свой пакой” (A Room of One's Own, 1929) і інш. Беларускія пераклады апавяданняў “Дом з прывідамі” (A Haunted House 1921) і “Блакітнае і зялёнае” (“Blue & Green”, 1921) друкаваліся ў інтэрнэт-часопісе перакладной літаратуры “ПрайдзіСвет”.

  • 1898

    Нарадзіўся Якоба Фіхман (гішп. Jacobo Fijman, памёр 1 снежня 1970), аргентынскі паэт, нарадзіўся на тэрыторыі сучаснай Малдовы. Працаваў школьным настаўнікам французскай мовы, вандроўным скрыпачом, разам з Х. Л. Борхесам і А. Хірондам належаў да літаратурнай групы часопіса “Марцін Фіера” (Martín Fierro). З 1942 году і да канца жыцця ў сувязі з пагаршэннем псіхалагічнага стану прымусова заставаўся ў псіхіятрычнай лякарні. Пры жыцці выйшлі тры зборнікі яго вершаў: “Чырвоны млын” (Molino rojo, 1926), “Ствараючы эстампы” (Hecho de estampas, 1929) і найбольш вядомы зборнік “Заранка” (Estrella de la Mañana, 1931).

  • 1935

    Памёр Поль Буржэ (фр. Paul Bourget, нар. 2 верасня 1852), французскі крытык і раманіст, які здабыў шырокую вядомасцю дзякуючы сваім псіхалагічным раманам “Цяжкая таямніца” (Cruelle Enigme), “Непапраўны” (L’irréparable), “Любоўнае злачынства” (Crime d’Amour), “Падман” (Mensonges, 1888), “Вучань” (Le Disciple, 1889), “Жаночае сэрца” (Coeur de femme).

  • 1938

    Нарадзіўся Уладзімір Высоцкі (рус. Владимир Высоцкий, памёр 25 ліпеня 1980), папулярны рускі паэт і музыка савецкага перыяду, актор. Напісаў каля 700 песняў і вершаў, сыграў каля 30 роляў у фільмах, граў у тэатры, аб'ездзіў з канцэртамі ўсю краіну і свет. Высоцкі закранаў у гады строгай цэнзуры забароненыя тэмы (напрыклад, у раннія гады выконваў блатныя песні).

  • 2005

    Памёр Мануэл Лопеш (парт. Manuel António de Sousa Lopes, нар. 23 снежня 1907), каба-вердыянскі паэт, раманіст, заснавальнік сучаснай літаратуры Каба-Вердэ. Пісаў на партугальскай і крэольскай мовах. Аўтар раманаў “Падаюць дажджы” (Chuva Braba, 1956), “Ахвяры ўсходніх вятроў” (Os Flagelados do Vento Leste, 1959), паводле якога быў зняты аднайменны фільм, зборнікаў паэзіі “Пустыя гадзіны” (Horas Vagas, 1934), “Паэма тых, хто застаўся” (Poema de Quem Ficou 1949), шэрагу нарысаў па краязнаўстве і літаратуры Каба-Вердэ.