№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Змест


Алок Вайд-Мэнан Вулічны гвалт Вершы Фрэнк О’Хара Трымаю воблака ў абдымках Вершы Пэт Паркер Так прагну з табой кахацца і словы замест гэтага пішу Вершы Ўолт Ўітмэн Як Адам на золку ўранні Вершы Эмі Лоўэл Калі б я здолела злавіць зялёны ліхтар светляка Вершы Сара ТысдэйлЭрына Верш Алфрэд Эдвард Хаўсмэн Больш не пытай: баюся, не змаўчу Вершы Гедрэ Казлаўскайтэ Размаўляць на забытых мовах Вершы Івар Сільдпачуццё што нешта не так Вершы Сімона дэ БавуарДругі пол Фрагмент кнігі Жан Както Белая кніга
Іда Ліндэ Мама забойцы Урывак з рамана Жорж Экгаўт Татуіроўка Апавяданне Уладзіслаў Гарбацкі Апошні ўраніст Эсэ
Крысціна Бандурына Something Special Вершы Карэкцыя перспектывы Апавяданне Надзя Гусакоўская не вставать рано утром, чтоб не упасть Вершы Уладзіслаў Гарбацкі Прыдарожныя макі Апавяданне Каровы ды мужыкі Апавяданне Дар’я Трайдэн Нямая Апавяданне Вампірызм Апавяданне Хвароба Апавяданне Дзмітрый Ермаловіч-Дашчынскі Небесный сеанс прерывается Вершы
“Вось так я пішу” Рэпрэзентацыя негетэранарматыўнай сэксуальнасці ў літаратуры Матэрыялы круглага стала
Вольга Гапеева Гульня ў гендар, або Чаму качкі размаўляюць на лавандавай мове Эсэ Альгерд Бахарэвіч “Зразумейце маю адзіноту”: “Дзёньнік” Вітальда Гамбровіча як досьлед уласнае сэксуальнасьці Эсэ Дар’я Трайдэн Бог і мілыя хлопчыкі: рэлігія і гомаэротыка ў творах Герарда Рэвэ Эсэ Кацярына Маціеўская Эфект Пігмаліёна Эсэ Ганна Янкута Гісторыя аднаго сына Эсэ Справа Роджэра Кейсмента Эсэ Літаратурнае жыццё бостанскага шлюбу Эсэ Уладзіслаў Гарбацкі Як беларусы ў 1928 годзе гей-шлюбам палохалі Эсэ Апошні enfant terrible ХХ стагодзьдзя Эсэ Жанчына, што кахала мужчынаў, якія кахалі мужчынаў Эсэ Уладзімір Валодзін Уголовное преследование гомосексуалов в СССР (1946-1991): цифры и дискурсы

У гэты дзень, 26 ліпеня

  • 1680

    Памёр Джон Ўілмат, другі граф Рочэстэр (анг. John Wilmot, 2nd Earl of Rochester, нар. 1 красавіка 1647), адзін з самых значных ангельскіх паэтаў эпохі Рэстаўрацыі. Вядомы як моцны сатырык (паэма “Сатыр супраць чалавецтва”, A Satyr Against Mankind) і аўтар лірычных, эратычных вершаў, а таксама вершаў наўпрост непрыстойнага характару. Увайшоў у гісторыю як адзін з прадстаўнікоў лібертынажу і праславіўся сваімі вясёлымі гулянкамі, выбрыкамі, мноствам любоўных гісторыяў.

  • 1856

    Нарадзіўся Джордж Бернард Шоў (анг. George Bernard Shaw, памёр 2 лістапада 1950), брытанскі (ангельскі і ірландскі) пісьменнік, лаўрэат Нобелеўскай прэміі 1925 году, дзяржаўны дзеяч (сацыяліст-“фабіяніст”, прыхільнік рэформы ангельскае пісьменнасці). Другі па папулярнасці драматург у ангельскім тэатры (пасля Шэкспіра).

  • 1861

    Нарадзіўся Важа-Пшавела (груз. ვაჟა-ფშაველა; сапр. Лука Разікашвілі, памёр 10 ліпеня 1915), вядомы грузінскі празаік і паэт ХІХ стагоддзя. Асноўны матыў яго творчасці — сацыяльна-этнаграфічны: у сваіх паэмах Важа-Пшавела каларытна паказваў побыт, звычаі і традыцыі горцаў.

  • 1864

    “26 ліпеня 1864 году пры моцным паўночна-ўсходнім ветры імчалася на поўнай хуткасці ўздоўж Паўночнага праліва шыкоўная яхта…” — пачатак дзеяння рамана Жуля Верна “Дзеці капітана Гранта”.

  • 1874

    Памёр Гільермэ Брага (парт. Guilherme da Silva Braga, нар. 22 ліпеня 1845), партугальскі паэт, журналіст. Аўтар змрочных вершаў, асноўная тэма якіх — смерць, яе прысутнасць у штодзённым жыцці. Памёр у раннім узросце (29 гадоў) ад сухотаў, перажыўшы сваіх чатырох дзяцей. Асноўныя зборнікі: “Эха Алжубароты” (Ecos de Aljubarrota, 1868), “Плюшчы і браткі” (Heras e Violetas, 1869), “Аблудныя апосталы” (Os Falsos Apóstolos, 1871), “Біскуп” (O Bispo, 1874) і інш.

  • 1875

    Нарадзіўся Антоніё Мачада (гішп. Antonio Machado, памёр 22 лютага 1939), гішпанскі паэт, адзін з выбітных дзеячаў гішпанскага літаратурнага руху, вядомага як “пакаленне 1898”. Першая кніга вершаў Мачада “Смуткі” (Soledades) пабачыла свет у 1903 і разам з “Самотнымі напевамі” Хуана Рамона Хімэнэса пазначыла пачатак гішпанскай паэзіі новага стагоддзя. Поспех зборніка “Палі Кастыліі” (Campos de Castilla, 1912), які адзначыў канец перыяду мадэрнізму ў творчасці Мачада, паводле прызнання паэта, выратаваў яго ад думак пра самагубства, да якіх яго прывяла смерць жонкі. Стваральнік двух гетэронімаў, ад імя якіх пісаў вершы і празаічныя творы, у тым ліку філасофскага кірунку. Пасля ўсталявання ў Гішпаніі правай дыктатуры Ф. Франка становішча паэта, прыхільніка рэспубліканцаў, стала пагрозлівым, Мачада ў 1938 быў эвакуяваны з краіны і праз месяц, падчас пераходу гішпанска-французскай мяжы, разам са сваёй састарэлай маці загінуў у французскім Кальюры. У ягонай кішэні былі знойдзеныя апошнія вершы “Estos días azules y este sol de la infancia” (літ. “Гэтыя блакітныя дні і гэтае сонца дзяцінства”). На беларускую мову асобныя вершы Мачада перакладалі А. Зарыцкі і М. Мартысевіч.

  • 1885

    Нарадзіўся Андрэ Маруа (фр. André Maurois, сапр. Эміль Саламон Вільгельм Эрзог, памёр 9 кастрычніка 1967), французскі пісьменнік, сябра Французскай акадэміі. Пазней псеўданім пісьменніка зрабіўся яго афіцыйным імем.

  • 1887

    У Варшаве выйшаў першы падручнік па мове эсперанта.

  • 1894

    Нарадзіўся Олдас Хакслі (анг. Aldous Huxley, памёр 22 лістапада 1963), ангельскі пісьменнік, найбольш знакаміты дзякуючы раману-антыўтопіі “Дзіўны новы свет” (Brave New World, 1932). У 1958 годзе Хакслі напісаў “Вяртанне ў дзіўны новы свет” (Brave New World Revisited), у якой развівае думку пра тое, што напраўду ўсё будзе яшчэ горш і жахлівей, чым у першай кнізе.

  • 1950

    Памёр Ханс Лодэйзен (нід. Hans Lodeizen, нар. 20 ліпеня 1924), нідэрландскі паэт, які хаця і памёр ва ўзросце 26 гадоў, вельмі моцна паўплываў на нідэрландскую паэзію паваеннага перыяду. Адзін з вершаў Лодэйзена напісаны на доме ў Лейдэне ў межах праекту “Насценныя вершы”.

  • 1993

    Памерла Эстэр Марыя Рынгнэр-Лундгрэн (шведск. Ester Maria Ringnér-Lundgren, нар. 4 кастрычніка 1907), шведская дзіцячая пісьменніца. Пісала казкі і займальныя дэтэктыўныя гісторыі для дзяцей. Найбольшую вядомасць ёй прынесла серыя кніг пра Лоту, напісаных пад псеўданімам Мэры Вік (Merri Vik), а таксама кнігі пра троляў Квірэ і Хопсана.

  • 2007

    Памёр Ларс Форсэл (шведск. Lars Hans Carl Abraham Forssell, нар. 14 студзеня 1928), шведскі пісьменнік, драматург, паэт, перакладчык, аўтар песняў і дзіцячых кніг. Атрымаў мноства ўзнагародаў за сваю творчасць. Яго імем названая вуліца ў Стакгольме.