№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Сэсіл Фрэнсіс Александэр

Кароль Ірад і певень

Ангельскія калядкі

Пераклад з ангельскай Антон Францішак Брыль, Ганна Янкута

Кароль Ірад і певень

(King Herod and the Cock)

 

Заззяла зорка над зямлёй,

Давідавай зямлёй,

Ды зазірнула праз акно

У Ірадаў пакой.

 

І кажуць мудрацы, святло

Прыкмеціўшы ўгары,

Што ў свет прыйшло дзіця, з якім

Не зладзяць і цары.

 

І кажа цар: каб я такой

Паверыў навіне,

Мой певень смажаны спярша

Хай заспявае мне.

 

І з Божай ласкі певень тут

Ажыў ды акрыяў

І ва ўсю моц на ўвесь пакой

З талеркі запяяў.

 

пераклад з ангельскайАнтон Францішак Брыль

 

 

 

Сэсіл Фрэнсіс Александэр

(Cecil Frances Alexander)

(1818—1895)

 

Каляды

(Christmas)

 

Дзесьці ў горадзе Давіда

Для жывёл стаяў загон.

Там паклала маці сына,

І ляжаў у яслях Ён.

То Марыя — гэта матка,

То наш Пан — яе дзіцятка.

 

Ён прыйшоў да нас з нябёсаў,

Бог і Ўладца ўсёй зямлі.

Хлеў Ягоным быў прыстанкам,

Яслі зыбкаю былі.

Між гаротных і нябогаў

На зямлі Яго дарога.

 

Мы Яго нарэшце ўбачым:

Нас вядзе Яго любоў,

Бо пяшчотнае дзіцятка —

Уладар з Уладароў.

Ён Сваіх дзяцей збірае,

Каб адкрыць ім браму раю.

 

Толькі не ў жабрачым стойле,

Дзе быкі і козы спяць, —

Праваруч Айца ў нябёсах

Будзе Ён цяпер стаяць,

І, як зоры, дзеці Пана

Будуць Ім спяваць асану.

 

пераклад з ангельскай Ганна Янкута

Пераклад з ангельскай – Антон Францішак Брыль, Ганна Янкута © 2013

Чытайце таксама

Ян Мілчак

Ян Мілчак

Славацкі аўтар апавяданняў, радыё і тэатральных п'ес, а таксама казак

Лешак Энгелькінг

Лешак Энгелькінг

Польскі паэт, перакладчык, мастацтвазнаўца, літаратурны крытык

Роберт ван Гулік

Роберт ван Гулік

Нідэрландскі ўсходазнаўца, дыпламат, музыка, аўтар ангельскамоўных аповесцяў пра суддзю Дзі

Рышард Крыніцкі

Рышард Крыніцкі

Польскі паэт, перакладчык і выдавец, прадстаўнік літаратурнай групы “Новая хваля” (Nowa Fala)

527