№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Лаўрэата Нобелеўскай прэміі па літаратуры назавуць 8 кастрычніка

6 кастрычніка 2015

Лаўрэата Нобелеўскай прэміі па літаратуры назавуць 8 кастрычніка

Спецыяльны камітэт Шведскай акадэміі назаве імя новага нобелеўскага лаўрэата ў галіне літаратуры 8 кастрычніка ў 14.00 па мінскім часе.

Сябраў камітэта выбіраюць з ліку выкладчыкаў і спецыялістаў Шведскай акадэміі. Сёлета гэты судзейскі орган узначальвае Пэр Вэстберг, акрамя яго ў склад камітэта ўвайшлі пісьменнікі Шэл Эспмарк, Катарына Фростэнсан, Крысціна Лун, Хорас Эндал, а таксама Сара Даніюс, якая і назаве імя новага ўладальніка Нобелеўскай прэміі па літаратуры.

Найбуйнейшыя еўрапейскія букмекерскія канторы, у прыватнасці брытанская Ladbrokes, шведска-брытанская Unibet, шведска-фінская Paf і шведская Betsson, уключылі беларускую пісьменніцу Святлану Алексіевіч у спіс найбольш імаверных уладальнікаў Нобелеўскай прэміі па літаратуры ў гэтым годзе.

Алексіевіч утрымлівае першую пазіцыю па версіі букмекераў, з невялікім адрывам за ёй ідуць японец Харукі Муракамі, кеніец Нгугі Ва Тхіёнга, амерыканцы Джойс Кэрал Оўтс і Філіп Рот.

Застаецца невядомым, хто намінаваў Алексіевіч на атрыманне прэміі ў гэтым годзе і ці намінаваў яе хто-небудзь наогул. Характэрна, што трое фаварытаў у рэйтынгу букмекерскіх кантораў утрымліваюць свае пазіцыі ўжо некалькі гадоў запар, аднак, напрыклад, у 2014 годзе Нобелеўскую прэмію атрымаў француз Патрык Мадыяно.

Букмекеры ўключаюць Святлану Алексіевіч у спіс імаверных лаўрэатаў прэміі ўжо трэці год запар. За цыкл сваіх твораў, сярод якіх “У вайны не жаночае аблічча”, “Цынкавыя хлопчыкі”, “Зачараваныя смерцю”, “Апошнія сведкі” і “Чарнобыльская малітва”, яна была ўнесеная ў спіс намінантаў на Нобелеўскую прэмію па літаратуры і раней.

У мінулым годзе Алексіевіч з поспехам выпусціла заключную кнігу цыклу “Галасы Утопіі” пад назвай “Час сэканд-хэнд” і цяпер працуе над новай кнігай “пра простае чалавечае каханне”.

Варта адзначыць, што ў сярэдзіне сакавіка гэтага года Беларускі інстытут навукі і мастацтва (БІНІМ) у ЗША сумесна з нью-ёркскім выдавецтвам Juliette намінаваў на спашуканне Нобелеўскай прэміі па літаратуры паэта Уладзіміра Някляева “за адданае служэнне свайму народу ў імя свабоды”.

У гэтым годзе ў адрас экспертнай камісіі паступіла 259 прапановаў з імёнамі 198 намінантаў. Сярод іх 36 чалавек, якія намінуюцца ўпершыню.

паводле naviny.by

Чытайце таксама

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

Прэмію Шэрмана ўручаць 25 кастрычніка

Сёлета на прэмію Шэрмана намінаваліся 32 кнігі, перакладзеныя з 15 моваў.

Сэкс, джаз і алкаголь: выйшаў даведнік па Вільні шалёных 70-х

Пасля цяжкай працяглай працы выйшаў з друку першы беларускі пераклад славутага рамана "Віленскі покер" Рычарда Гавяліса. Антысавецкі дэтэктыў, эратычны трылер і разам з тым даведнік па аўтэнтычнай Вільні,…

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там…

іншыя навіны
437