№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Літаратурную прэмію Гедройца атрымаў Віктар Казько

2 чэрвеня 2015

Літаратурную прэмію Гедройца атрымаў Віктар Казько

Увечары 1 чэрвеня ў Мінску абвешчаныя і ўганараваныя лаўрэаты прэстыжнай літаратурнай прэміі імя Ежы Гедройца. Тройку прызёраў склалі:


Альгерд Бахарэвіч
 за кнігу «Дзеці Аліндаркі» (Мінск, «Галіяфы») — трэцяе месца, якое дае магчымасць творчай стыпендыі ў Вэнтспілсе, Латвія.


Таццяна Барысік
 «Жанчына і леапард» (Мінск, «Кнігазбор») — другое месца, якое дазваляе пераклад кнігі на польскую мову або творчую стыпендыю ў Вісбю, Швецыя.


Віктар Казько
 «Час збіраць косці» (Мінск, «Кнігазбор») — першае месца і грашовая ўзнагарода 10 тысяч еўра.


Пераможцам чытацкага галасавання, які атрымаў спецыяльны прыз, таксама стаў Віктар Казько.


Уручэнне прэміі адбылося ў гатэлі «Renaissance».


Сёлета на Гран-пры конкурсу па выніках 2014 года прэтэндавалі шэсць аўтараў:


1. Таццяна Барысік «Жанчына і леапард» (Мінск, «Кнігазбор»)

2. Альгерд Бахарэвіч «Дзеці Аліндаркі» (Мінск, «Галіяфы»)

3. Антон Францішак Брыль «Ян Ялмужна» (Мінск, «Кнігазбор»)

4. Андрэй Гуцаў «Кніга зданяў» (Мінск, «Кнігазбор»)

5. Сяргей Дубавец «Сіні карабель у блакітным моры плыве» (Мінск, «Каўчэг»)

6. Віктар Казько «Час збіраць косці» (Мінск, «Кнігазбор») 


Літаратурная прэмія імя Ежы Гедройца заснаваная ў 2011 годзе. Яна прысуджаецца за найлепшую кнігу прозы, выдадзеную (у папяровым або электронным варыянце) у папярэднім годзе на беларускай мове ў жанрах мастацкай прозы і эсэістыкі. Заснавальнікамі літаратурнай узнагароды выступаюць амбасада Польшчы ў Беларусі, Польскі інстытут у Мінску, Беларускі ПЭН-цэнтр і Саюз беларускіх пісьменнікаў.


Прэмію назвалі ў гонар ураджэнца Мінска, польскага публіцыста і палітыка Ежы Гедройца, які ў сваёй культурнай дзейнасці быў паслядоўным прыхільнікам добрасуседскіх адносінаў Польшчы з Беларуссю, Літвой і Украінай.


Раней лаўрэатамі прэміі імя Ежы Гедройца былі:

2012 г. — Павал Касцюкевіч з кнігай «Зборная РБ па негалоўных відах спорту»;

2013 г. — Уладзімір Някляеў з кнігай «Аўтамат з газіроўкай з сіропам і без»;

2014 г. — Ігар Бабкоў з кнігай «Хвілінка. Тры гісторыі».

Фота -- budzma.by

Чытайце таксама

Абвешчаны Доўгі спіс Прэміі імя Ежы Гедройца

Журы Прэміі імя Ежы Гедройца прачытала 32 пададзеныя на Прэмію кнігі і пасля абмеркавання зацвердзіла Доўгі спіс.

Сталі вядомыя імёны фіналістаў прэміі імя Ежы Гедройца

Журы Прэміі імя Ежы Гедройца зацвердзіла Кароткі спіс. У яго ўвайшлі...

Адкрыты прыём заявак на прэмію Шэрмана

Прэмія Шэрмана ўручаецца за найлепшы пераклад мастацкай кнігі на беларускую мову. Пераможца атрымае чэк на суму, эквівалентную 2000 у.а. Падаць заяўку можна да 10 ліпеня.

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

іншыя навіны
589