У Мінску трэці раз адбудзецца мульціжанравы фэст “Месяц польскай літаратуры з кнігарняй “логвінаЎ”. Пачынаючы з 12 лістапада некалькі разоў на тыдзень на розных культурных пляцоўках беларускай сталіцы будуць адбывацца літаратурныя, музычныя, гістарычныя, мастацкія і тэатральныя імпрэзы з удзелам літаратараў, гісторыкаў, музыкаў і актораў з Польшчы і Беларусі. Уваход на ўсе імпрэзы вольны.
Акрамя таго, у кнігарні “логвінаЎ” (Незалежнасці 37А) штодня працуе “Польская шафа” — найвялікшы ў Беларусі аддзел з польскімі кнігамі на польскай і беларускай мовах: сучасныя і класічныя, дарослыя і дзіцячыя, дэтэктывы і фантастыка, паэзія і проза.
Расклад імпрэзаў “Месяца польскай літаратуры з кнігарняй “логвінаЎ”
12 лістапада (серада)
Пасля ўрачыстага адкрыцця, на якім выступяць ганаровыя госці, адбудзецца канцэрт Андрэя Хадановіча і яго бэнда, прысвечаны творчасці барда часоў “Салідарнасці” Яцка Качмарскага. На адкрыцці шырокай публіцы прадставяць музычны дыск “Муры”, беларускія версіі песняў Качмарскага.
Галерэя “Ў” (Незалежнасці, 37А). Пачатак у 19.00.
18 лістапада (аўторак)
Вечарына “Кірмаш цудаў Віславы Шымборскай”, прысвечаная паэтцы, нобелеўскай лаўрэатцы. Спартоўцы, дыпламаты, грамадскія дзеячы, акторы прачытаюць вершы Шымборскай на сваіх мовах і ў арыгінале.
Галерэя “Ў”. Пачатак у 18.30.
21 лістапада (пятніца)
Адкрыццё выставы “Коткі ў польскім коміксе”. Пра феномен польскага комікса раскажуць польскія і беларускія мастакі.
Галерэя “Ў”. Пачатак у 19.00. Выстава працягнецца ў галерэі да 28 лістапада.
22 лістапада (субота)
“Як намаляваць комікс?” Майстар-клас для дзяцей 6-11 гадоў (12:00—13:00) і для моладзі і дарослых (14:00—16:00).
Галерэя “Ў”.
26 лістапада (серада)
Прэзентацыя кнігі “Мілаш. Аўтабіяграфія” з удзелам аўтара Анджэя Франашка. Гэта прэзентацыя самага грунтоўнага на сёння жыццяпісу лаўрэата Нобелеўскай прэміі, “апошняга грамадзяніна ВКЛ”, паэта Чэслава Мілаша, які перажыў ці не ўсе бурлівыя падзеі ХХ стагоддзя. З удзелам перакладчыкаў — Марыі Казлоўскай, Марыны Шоды, Марыі Пушкінай і Андрэя Хадановіча.
Кнігарня “логвінаЎ”. Пачатак у 19.00.
2 снежня (аўторак)
Тэатралізаваная прэзентацыя перакладу камедыйных п’ес драматурга Станіслава Выспяньскага “Вяселле” і “Варшавянка”. Прэзентацыя аўдыёкнігі на падставе п’есы Аляксандра Фрэдры “Дзявочыя зарокі”. На прэзентацыі акторы Купалаўскага тэатра разыграюць некалькі ўрыўкаў з твораў драматурга. З удзелам перакладчыка Лявона Баршчэўскага.
Рэпетыцыйная сцэна тэатра імя Янкі Купалы (Энгельса, 7).
Пачатак у 18.00. Уваход вольны, без квіткоў і запрашальнікаў.
9 снежня (аўторак)
Сустрэча з адным з найяскравейшых сучасных празаікаў Польшчы Паўлам Гюле і прэзентацыя беларускага перакладу яго рамана “Вайзэр Давідзік”. У сустрэчы возьме ўдзел перакладчыца Марына Шода і акторы Купалаўскага тэатра, якія прадставяць фрагменты з рамана.
Мадэратар — Андрэй Хадановіч.
Галерэя “Ў”. Пачатак у 19.00.