№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Памёр шведскі пісьменнік Хенінг Манкель

6 кастрычніка 2015

Памёр шведскі пісьменнік Хенінг Манкель

Учора, 6 кастрычніка, у Гётэборгу ва ўзросце 67 гадоў памёр сусветна вядомы шведскі пісьменнік Хенінг Манкель. Год таму дактары выявілі ў яго рак. Пухліны былі ў горле і левым лёгкім. Манкель заваяваў папулярнасць перш за ўсё як аўтар раманаў пра камісара паліцыі Курта Валандэра.

Хенінг Манкель нарадзіўся 3 лютага 1948 г. у Стакгольме. Праз год пасля нараджэння хлопчыка яго бацькі развяліся. Дзіця засталося з бацькам, які служыў суддзёй. Хенінг быў часта аддадзены самому сабе, бо бацька быў вельмі заняты на працы. Хлопчык захапіўся літаратурай і тэатрам. Са школьных гадоў ён марыў стаць пісьменнікам.

Манкель спавядаў левыя палітычныя погляды. Ён актыўна ўдзельнічаў у акцыях пратэсту супраць вайны ў В'етнаме і рэжыму апартэіду ў ПАР. У 70-я ён пераехаў у Нарвегію, дзе далучыўся да Працоўнай камуністычнай партыі, якая стаяла на пазіцыях мааізму. Тады ж пабачылі свет яго першыя раманы. У асноўным гэта былі крымінальныя драмы.

У 1991 годзе Хенінг Манкель выдаў першую кнігу пра камісара Валандэра “Безаблічныя забойцы”. У Швецыі гэты дэтэктыў, напісаны ў жанры нуар, адразу стаў папулярным і атрымаў некалькі прэстыжных прэмій. У іншых краінах пра Манкеля і яго героя загаварылі толькі пасля трэцяга рамана, які называецца “Белая ільвіца”. Манкеля пачалі называць пераемнікам шведскіх пісьменнікаў Пэра Вале і Мая Шэваля, якія праславіліся серыяй кніг пра камісара паліцыі Марціна Бека. Хенінг Манкель не пярэчыў, але пайшоў далей. Яго кнігі былі глыбейшыя з сацыяльнага пункту гледжання. Злачынствы ў іх былі вынікам хвароб сучаснага грамадства: праблем мігрантаў, тэрарызму і экстрэмізму, рэлігійнага фанатызму, збяднення насельніцтва. Прыцягвае чытачоў і вобраз Валандэра. Гэта ніякі не супермен. Ён жыве і працуе ў невялікім шведскім мястэчку, пакутуе на алкагалізм і павінны быў ужо даўно зненавідзець увесь чалавечы род. Аднак Курт Валандэр, штодня сутыкаючыся з жорсткасцю і гвалтам, застаецца гуманістам і робіць сваю справу.

Раманы пра шведскага камісара былі экранізаваныя. Найбольш удалымі лічацца серыялы, знятыя шведскім тэлебачаннем. Высокія ацэнкі атрымаў таксама серыял, зняты Бі-Бі-Сі. Ролю Валандэра ў ім выканаў папулярны акцёр Кенэт Брана.

Яшчэ адным захапленнем пісьменніка заўсёды была Афрыка, яе гісторыя, культура, мастацтва. З пачатку 70-х гадоў Манкель падарожнічаў па афрыканскіх краінах. Ён нейкі час жыў у Замбіі, Зімбабвэ, Мазамбіку. Там пісьменнік займаўся дабрачыннай дзейнасцю і зрабіў шмат шчодрых асабістых ахвяраванняў.

Хенінг Манкель быў жанаты чатыры разы. Яго апошняй жонкай стала дачка легендарнага рэжысёра Інгмара Бергмана Ева Бергман. Яны сталі мужам і жонкай у 1998 годзе.

 

паводле fakty.ua

Чытайце таксама

Абвешчаны Доўгі спіс Прэміі імя Ежы Гедройца

Журы Прэміі імя Ежы Гедройца прачытала 32 пададзеныя на Прэмію кнігі і пасля абмеркавання зацвердзіла Доўгі спіс.

Абвешчаны доўгі спіс Прэміі Карласа Шэрмана

Журы прэміі імя Карласа Шэрмана вызначыла доўгі спіс намінантаў: 22 кнігі, перакладзеныя з 9 моваў 26 перакладчыкамі, выдадзеныя ў 9 выдавецтвах.

Адкрыты прыём заявак на прэмію Шэрмана

Прэмія Шэрмана ўручаецца за найлепшы пераклад мастацкай кнігі на беларускую мову. Пераможца атрымае чэк на суму, эквівалентную 2000 у.а. Падаць заяўку можна да 10 ліпеня.

Прэмію Шэрмана ўручаць 25 кастрычніка

Сёлета на прэмію Шэрмана намінаваліся 32 кнігі, перакладзеныя з 15 моваў.

іншыя навіны
316