№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Прэмія Гедройца: адкрыццё новага сезону

22 кастрычніка 2014

Прэмія Гедройца: адкрыццё новага сезону
Беларускі ПЭН-цэнтр, Саюз беларускіх пісьменнікаў, Пасольства Рэспублікі Польшча ў Рэспубліцы Беларусь і Польскі Інстытут у Мінску абвяшчаюць новы сезон Літаратурнай прэміі імя Ежы Гедройца.

У журы Прэміі ўвайшлі:

Уладзімер Арлоў — паэт, празаік, гісторык;

Ігар Бабкоў — празаік і філосаф, лаўрэат прэміі Гедройца 2014;

Малгажата Бухалік — перакладчыца;

Адам Глобус — празаік, фіналіст прэміі Гедройца 2013;

Ганна Кісліцына — літаратуразнаўца, літаратурны крытык;

Андрэй Федарэнка — празаік, фіналіст прэміі Гедройца 2012;

Ціхан Чарнякевіч — літаратуразнаўца, літаратурны крытык;

Ганна Янкута — літаратурны крытык, перакладчыца.

 

Менавіта журы вызначае лёс узнагародаў Прэміі Гедройца:

— чэка на суму, якую кожны год вызначае "Ідэя Банк", — для першага месца;

— перакладу твора на польскую мову альбо творчай стыпендыі ў Доме творчасці пісьменнікаў (г. Вісбю, Готланд, Швецыя) — для другога месца;

— творчай стыпендыі ў Вентспілсе (Латвія) — для трэцяга месца.

 

Кнігі для ўдзелу ў конкурсе можна даслаць да 31 студзеня 2015 года праз афіцыйны сайт прэміі: gedroyc.by, на паштовы адрас: 220050, Мінск, п/с 218, а таксама на электронны адрас: info@pen-centre.by. Заяўка мусіць утрымліваць наступныя звесткі:

а) інфармацыя пра намінатара, што вылучае твор на Прэмію: кантактныя нумары тэлефонаў і адрасы;

б) кароткая творчая біяграфія аўтара альбо ўсіх суаўтараў, калі твор напісаны ў суаўтарстве;

в) анатацыя кнігі;

г) урывак да 10 тысячаў знакаў, які будзе размешчаны на сайце Прэміі;

д) пажадана — адрасы крамаў, дзе можна набыць кнігу, ці спасылкі, па якіх яе можна спампаваць у электронным варыянце.

Да заяўкі неабходна далучыць 7 асобнікаў у папяровым і 1 асобнік у электронным варыянце. Заяўкі без электроннай версіі і 7 асобнікаў кнігі прымацца да ўдзелу ў конкурсе не будуць.

Сёлета акцэнт у звязаных з Прэміяй Гедройца мерапрыемствах будзе рабіцца на кароткім спісе. Арганізатары правядуць прэзентацыі кніг, што трапілі ў кароткі спіс, а на сайце Прэміі з’явяцца па дзве рэцэнзіі на кожную з гэтых кніг.

Літаратурная прэмія імя Ежы Гедройца ўручаецца з 2012 года. Папярэднія пераможцы прэміі: Павел Касцюкевіч з кнігай “Зборная РБ па негалоўных відах спорту” (2012),Уладзімір Някляеў з кнігай “Аўтамат з газіроўкай з сіропам і без” (2013), Ігар Бабкоў з кнігай “Хвілінка: Тры гісторыі” (2014).

паводле Паводле арганізатараў

Чытайце таксама

Вера Бурлак стала сёлетняй лаўрэаткай прэміі Шэрмана

Прэмія імя Карласа Шэрмана была ўручана Веры Бурлак за паспяховы сінтэз перакладчыцкіх тэхнік пры пераўвасабленні мастацкага ўніверсуму Льюіса Кэрала ў перакладзе кнігі «Скрозь Люстэрка і што ўбачыла там…

Прэмію Шэрмана ўручаць 25 кастрычніка

Сёлета на прэмію Шэрмана намінаваліся 32 кнігі, перакладзеныя з 15 моваў.

Выйшла дэтэктыўная кніга Роберта ван Гуліка пра Старажытны Кітай

У выдавецтве “Кнігазбор” выйшаў зборнік дэтэктыўных апавяданняў Роберта ван Гуліка “Следства вядзе суддзя Дзі”. Перакладчыца — Ганна Янкута. Кніга падрыхтаваная сумесна Саюзам беларускіх пісьменнікаў і…

іншыя навіны
393