Остын Добсан (поўнае імя — Генры Остын Добсан) — ангельскі паэт і эсэіст.
Нарадзіўся ў Плімуце. Пісаць пачаў у 1864 годзе, прычым асобныя раннія працы лічацца ці не найлепшымі яго дасягненнямі. Друкавацца пачаў у 1868 годзе ў часопісе St Paul's, выдаваным Энтані Тролапам. Увосень 1873 году выдаў зборнік вершаў “Рыфмаваныя віньеткі” (Vignettes in Rhyme), які некалькі разоў перавыдаваўся. Зборнік прыцягнуў надзвычайную ўвагу чытачоў, пра якога станоўча выказалася ў тым ліку Джордж Эліят.
Добсан шмат эксперыментаваў з формай: пісаў трыялеты, балады, рандо, віланэлы. У 1883 годзе выдаў зборнік “Ідыліі старога свету” (Old-World Idylls), які змяшчае самыя характэрныя яго працы. Пасля 1885 году Добсан збольшага заняўся напісаннем крытычнай і біяграфічнай прозы, сканцэнтраваўшыся на сваім любімым XVIII стагоддзі. Аўтар біяграфіяў Геры Філдынга (1883), Томаса Бевіка (1884), Рычарда Стыла (1886), Олівера Голдсміта (1888), Хораса Ўолпала (1890) і Ўільяма Хогарта.
Памёр 2 верасня 1921.
