№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Арына Глінская (Арына Глінская)

(1909 — 1997)

Арына Глінская

Арына (Ірына) Глінская нарадзілася у Мсціславе Магілёўскай вобласці ў сям’і настаўнікаў. Закончыла Магілёўскі педагагічны тэхнікум (1926), манументальнае аддзяленне Вышэйшага мастацка-тэхнічнага інстытута ў Ленінградзе (1930). Працавала асістэнтам у Ленінградскім інстытуце інжынераў камунальнага будаўніцтва па кафедры Уводзіны ў архітэктурнае праектаванне і архітэктурная графіка (1930—1935), праектавальнікам у Архітэктурна-планіровачным упраўленні Ленгарвыканкама (1935—1938), кіраўніком групы малых формаў архітэктуры і афарбоўкі фасадаў (1938—1941). Удзельнічала ў Другой сусветнай вайне, узнагароджаная медалямі. У 1946 г. пасля дэмабілізацыі паступіла ў аспірантуру на кафедру мастацтваў у Ленінградскім дзяржаўным універсітэце імя Жданава, дзе ў 1950 г. абараніла дысертацыю на тэму “Развіццё галандскага рэалістычнага жанравага жывапісу ў першай чвэрці XVII ст.”, атрымала ступень кандыдата мастацтвазнаўства. Працавала асістэнтам у гэтай навучальнай установе (1949—1951), у Інстытуце імя Рэпіна (1951—1952) і па сумяшчальніцтве ў Інстытуце інжынераў будаўніцтва на архітэктурным факультэце, а пазней — старшым навуковым супрацоўнікам метадычнага аддзела Навукова-асветніцкага аддзела Эрмітажа. У беларускіх выданнях (газета “Камуніст”, альманах “Уздым”) выступала з вершамі і прозай з 1926 г., калі была сяброўкай Бабруйскай філіі “Маладняка”, у расійскіх — з 1930-х гг. Аўтарка п’есы “Дорога жизни” (1957), аповесці “Смирно, сердце!” (1965), вершаў, апавяданняў, шэрагу дапаможнікаў па методыцы выкладання выяўленчага мастацтва (“Как рисовать фигуру человека” і інш.).

Чытайце таксама

Эрнст Тэадор Амадэй Гофман

Эрнст Тэадор Амадэй Гофман

Нямецкі пісьменнік-рамантык, кампазітар, дырыжор, мастак, музычны крытык, юрыст

Дзмітрый Строцаў

Дзмітрый Строцаў

Нарадзіўся ў Мінску, дзе і жыве на дадзены момант

Марына Цвятаева

Марына Цвятаева

Марына Цвятаева – руская паэтка, празаік, перакладчыца – нарадзілася 8 кастрычніка 1892 году ў Маскве ў сям’і прафесара Маскоўскага ўніверсітэта, вядомага філолага і ўсходазнаўцы Івана Цвятаева

О. Генры

О. Генры

Амерыканскі пісьменнік, празаік, аўтар папулярных навэлаў, гумарэсак

457