Брытанскі корнскі паэт і празаік, вядомы найперш дзякуючы простым апавяданням і вершам, у якіх часта выкарыстоўваюцца сюжэты з фальклору і многія з якіх звязаныя з Корнуэлам. Нарадзіўся 24 жніўня 1917, а ў 1924 годзе ад наступстваў раненняў, атрыманых падчас Першай сусветнай вайны, памёр яго бацька. У 15 гадоў Кослі быў вымушаны пакінуць школу і ісці зарабляць грошы. Падчас Другой сусветнай вайны служыў у Каралеўскім флоце шыфравальнікам і пасля апісаў свой досвед у кнізе кароткіх апавяданняў. У 1951 годзе выдаў першы зборнік вершаў “Бывай, Эгі Ўэстан” (Farewell, Aggie Weston). Пасля першага зборніка выдаваўся часта і шмат, працаваў школьным настаўнікам. Сябраваў з Зігфрыдам Сасунам і Тэдам Х’юзам. Быў даволі папулярны ў Брытаніі і асабліва на радзіме, у Корнуэле.
Памёр 4 лістапада 2003.
