№21: Знак прысутнасці

№21: Знак прысутнасці

Мы прысвячаем новы нумар “ПрайдзіСвета” феномену сувязі літаратуры і гомасэксуальнасці, альбо, кажучы мовай ХХІ стагоддзя, сувязі літаратуры і ЛГБТК. Ці застаецца літаратура літаратурай, калі адкрывае нам сусвет цялеснасці, сэксуальнасці, інтымнасці? Чаму беларуская літаратура моцная ў апісанні вайны і такая бездапаможная, стэрыльная ў апісанні цялеснасці і сэксуальнасці? Ці існуе беларуская ЛГБТК-літаратура? На гэтыя і іншыя пытанні можна будзе знайсці адказы ў нумары

Чытаць далей

Жузэ Сарамагу (José Saramago)

1922-2010

Жузэ Сарамагу

Партугальскі пісьменнік, паэт, журналіст левых палітычных поглядаў, лаўрэат Нобэлеўскай прэміі ў галіне літаратуры 1998 году, гуманіст і атэіст. Сябра Партугальскай камуністычнай партыі з 1969 года. Еўраскептык. Крытыкаваў брусэльскую і страсбурскую бюракратыю, параўноўвае Еўропу са старой кабетай, якая ў цяперашнім свеце абсалютна нічога не робіць, ні на што не ўплывае, проста старэе.

Жузэ Сарамагу аддаваў перавагу сацыяльным антыўтопіям, часта сатырычным ("Каменны плыт", "Перабоі ў смерці", "Слепата", "Яснасць). Гэта не проста шэдэўры літаратуры (пакуль не перакладзеныя на беларускую мову), але раманы сацыяльнай і палітычнай значнасці для Еўропы.

Нароўні з антыўтопіямі ён шмат энэргіі аддаваў напісанню гістарычных раманаў: "Грэшная зямля", "Успаміны аб кляштары", "Гісторыя аблогі Лісабона", "Вандроўка слана" і апошні ягоны філасофска-гістарычны раман-развітанне "Каін".

За смелыя, нават дзёрзкія інтэрпрэтацыі біблійныйх сэжютаў у рамане "Евангелле паводле Ісуса" Ватыкан і ўрад Партугаліі арганізавалі ў 1992 годзе сапраўдны байкот пісьменніку, у выніку чаго той перабраўся ў Іспанію, на Канары. Тым не менш, твор быў перакладзены на больш чым 25 моваў і ўрэшце прынёс Сарамагу Нобелеўскую прэмію.

Чытайце таксама

Сюзана Кларк

Сюзана Кларк

Ангельская пісьменніца, лаўрэатка прэмій за раманы

Наталля Вішнеўская

Наталля Вішнеўская

Беларуская паэтка

Мэцью Дзікман

Мэцью Дзікман

Амерыканскі паэт, лаўрэат American Poetry Review 2008 году

Кейт Шапэн

Кейт Шапэн

Амерыканская пісьменніца

399