Італьянскі празаік. Аўтар раманаў, апавяданняў, нарысаў, тэатральных сцэнараў, куратар італьянскага выдання твораў Фэрнанду Пэсоа. Аўтар больш чым дзясятка раманаў і зборнікаў апавяданняў, сярод якіх найбольш вядомыя — “Пляц Італіі” (Piazza d'Italia, 1973), “Начны індыец” (Notturno indiano, 1984), “Нязначныя памылачкі” (Piccoli equivoci senza importanza, 1985), “Лінія далягляду” (Il filo dell'orizzonte, 1986), “Чорны анёл” (L'angelo nero, 1991), “Рэквіем” (Requiem, 1992), “Сцвярджае Перэйра” (Sostiene Pereira, 1994), “Робіцца ўсё больш позна” (Si sta facendo sempre più tardi, 2001), “Падарожжы і іншыя падарожжы” (Viaggi e altri viaggi, 2010), “Апавяданні з фігурамі” (Racconti con figure, 2011) і інш. Ягоныя творы перакладзеныя болей чым на сорак моваў свету.
