№19: Нарвежскі вецер

№19: Нарвежскі вецер [18+]

Нумар, які мы прадстаўляем, досыць незвычайны. Па-першае, большасць перакладных тэкстаў у ім — празаічныя творы (ці хутчэй урыўкі з твораў) сучасных аўтараў, па-другое, яны былі спецыяльна абраныя для гэтага нумару нарвежскім выдаўцом і рэдактарам Крысціянам К’ельструпам і перакладзеныя Лідыяй Ёхансэн.

Чытаць далей

Ўолт Ўітмэн (Walt Whitman)

1819-1892

Ўолт Ўітмэн

Амерыканскі паэт, эсэіст і журналіст. Сучасныя літаратурныя крытыкі лічаць Ўолта Ўітмэна (разам з Эмілі Дыкінсан) заснавальнікам амерыканскага паэтычнага канону.

Ўолтэр Ўітмэн нарадзіўся 31 траўня 1819 году ва Ўэст-Хільсе на Лонг-Айлэндзе (Нью-Ёрк) у беднай сям’і фермераў Ўолтэра і Луізы ван Вэльсар Ўітмэн. Ён быў другім дзіцем з дзевяці. Калі Ўолтэру было чатыры, сям’я перабралася ў Бруклін. Сваё дзяцінства Ўітмэн успамінаў як неспакойны і няшчасны час, прычынай якога былі эканамічныя цяжкасці, з якімі сутыкнулася яго сям’я. З 1825 па 1830 гг. Ўітмэн вучыўся ў бруклінскай школе, але праз недахоп грошай у адзінаццацігадовым узросце мусіў скончыць сваё навучанне і пайсці працаваць. За ўсё жыццё паэт змяніў мноства прафесій: пасланец, наборшчык-укладчык, настаўнік, журналіст, рэдактар у газеце.

Першыя вершы паэта былі надрукаваныя ў 1850 г. Аднак раннія творы Ўолта Ўітмэна былі толькі прадвеснікамі нараджэння арыгінальнага паэтычнага стылю, які найбольш яскрава праявіўся ў яго зборніку “Лісце травы”. Кніга выйшла ў Нью-Ёрку ў 1855 годзе. Пазней усё сваё жыццё аўтар падзяляў на два этапы — да выхаду зборніка і пасля.

У “Лісці травы” Ўітмэн выявіў сябе як рэфарматар амерыканскай паэзіі, як пачынальнік “вольнага верша” — верлібра. Асноўныя тэмы гэтай кнігі, якую ўсё сваё жыццё аўтар перапісваў і дапаўняў (апошняе яе выданне выйшла ў 1891 г.): праблемы прыроды і цывілізацыі, адзінства ўсяго жывога і нежывога на зямлі, салідарнасць краін і народаў, дэмакратычнае развіццё грамадства і асобы ды іншыя. Сучаснікамі Ўітмэна кніга спачатку была ўспрынятая досыць неадназначна, у многім праз усхваленне чалавечай цялеснасці і сэксуальнасці.

Падчас грамадзянскай вайны 1861—1865 гг. Ўолт Ўітмэн працаваў санітарам у салдацкіх шпіталях. Падзеям вайны прысвечаны паэтычны цыкл “Барабанны бой”, а таксама некаторыя вершы.

Праз не вылечаную да канца хваробу, якой паэт заразіўся, працуючы ў шпіталі, у 1873 годзе яго разбіў параліч, ад якога ён так і не акрыяў. Аднак да канца жыцця Ўітмэн працягваў пісаць творы, напоўненыя аптымізмам і ўпэўненасцю.

Паэт памёр 26 сакавіка 1892 годзе ў горадзе Камдэн (Нью-Джэрсі, ЗША).

Чытайце таксама

Эмілі Дыкінсан

Эмілі Дыкінсан

Амерыканская паэтка, пры жыцці надрукавала каля дзясятка вершаў, пасля смерці зрабілася класікам

Мэйбл Паўэрз

Мэйбл Паўэрз

Аўтарка працаў пра жыццё паўночна-амерыканскіх індзейцаў, іракезскае племя сенэкаў прыняло яе ў клан Бакаса

Хрыста Боцеў

Хрыста Боцеў

Балгарскі паэт, рэвалюцыянер і нацыянальны герой змагання супраць турэцкага іга

Марына Цвятаева

Марына Цвятаева

Марына Цвятаева – руская паэтка, празаік, перакладчыца – нарадзілася 8 кастрычніка 1892 году ў Маскве ў сям’і прафесара Маскоўскага ўніверсітэта, вядомага філолага і ўсходазнаўцы Івана Цвятаева

232