№17: Гульня ў гарады

№17: Гульня ў гарады

У новым, сямнаццатым, нумары мы спрабуем паглядзець, якімі бачаць свае гарады нашы сучаснікі і аднадумцы, пісьменнікі і пісьменніцы ХХІ стагоддзя.

Чытаць далей

Кітай - Штогадовая прэмія за найлепшы замежны раман XXI стагоддзя

25 чэрвеня 2009

Кітай - Штогадовая прэмія за найлепшы замежны раман XXI стагоддзя

Алекс Мілер (Alex Miller)

«Пейзаж расстання» (Landscape of Farewell)

Аўстралійскі пісьменнік Алекс Мілер (Alex Miller) атрымаў Штогадовую прэмію за найлепшы замежны раман XXI стагоддзя (The Annual Foreign Novels 21st Century Awards) – прэстыжную літаратурную прэмію Кітая – за раман «Пейзаж расстання» (Landscape of Farewell).

Пра аўтара

Алекс Мілер, адзін з улюбёных пісьменнікаў аўстралійцаў, аўтар сямі раманаў, нарадзіўся ў Лондане ў 1936 годзе. У 16 гадовым узросце эміграваў у Аўстралію.

У 1965 годзе скончыў Мельбурнскі універсітэт па спецыяльнасці «ангельская мова і гісторыя».

З’яўляецца адным з заснавальнікаў Тэатра Энтхіл (Anthill Theatre) і сябрам-заснавальнікам Мельбурнскага тэатра пісьменнікаў (Melbourne Writers' Theatre).

Двойчы лаўрэат прэстыжнай літаратурнай прэміі імя Майлза Франкліна, пераможца Прэміі пісьменнікаў Брытанскай садружнасці.

Жыве ў Вікторыі.

Пра раман

Незабыўна прыгожая медытацыя – аповед пра зямлю, мінулае, выгнанне і сяброўства. Гісторыя састарэлага нямецкага навукоўца, які пасля смерці каханай жонкі, адчуваючы, што ўжо не здольны стаць вялікім даследнікам, лічыць сваё жыццё скончаным. Але ўсё мяняецца, калі ён па запрашэнні маладой калегі едзе ў Аўстралію, дзе пачынаецца гісторыя яго сяброўства са старэйшынам абарыгенаў, якое вяртае яму сэнс існавання.     

Пра прэмію.

Штогадовая прэмія за найлепшы замежны раман XXI стагоддзя (The Annual Foreign Novels 21st Century Awards) заснаваная ў 2001 годзе. Народны літаратурны выдавецкі дом (The People's Literature Publishing House) і Кітайская асацыяцыя замежнай літаратуры (Chinese Association of Foreign Literature) выбіраюць сярод шасці кніг-кандыдатаў пераможцу, які будзе перакладзены і выдадзены ў Кітаі.

Сёлета таксама былі адзначаныя:

Оэ Кензабура Rotashi Annabel Lee Sokedachitsu Mimakaritsu (Oe Kenzaburo, Японія),

Луіс Леантэ Mira si yo te querre (Luis Leante, Іспанія),

Джулія Франк Die Mittagsfrau (Julia Franck, Германія),

П’ер-Жан Рэмі Le plus grand peintre vivant est mort (Рierre-Jean Remy, Францыя),

Карэн Ардзіф The Secret on My Face (Karen Ardiff, Ірландыя),

Расэл Сэлін Джонс Ten Seconds from the Sun (Russell Celyn Jones, Вялікабрытанія),

Джошуа Фэрыс Then We Came to the End (Joshua Ferris, ЗША).

Чытайце таксама

У дзіцячых кнігах павінныя быць таямніцы

Ульф Старк

У дзіцячых кнігах павінныя быць таямніцы

— Мая першая дзіцячая кніга выйшла ў пачатку 1970-х. Да гэтага я напісаў два зборнікі вершаў і раман. Агульны культурны клімат быў такі, што я вырашыў пачаць пісаць для дзяцей.

Мастацтва белетрыстыкі

Генры Мілер

Мастацтва белетрыстыкі

У 1934 годзе Генры Мілер, якому было тады сорак два і які жыў у Парыжы, выдаў сваю першую кнігу. У 1961 годзе гэтая кніга ўрэшце выйшла на яго радзіме, дзе хутка зрабілася скандальным бэстсэлерам...

Залаты век ілюстрацыі: Артур Рэкхэм

Залаты век ілюстрацыі: Артур Рэкхэм

Мне імпануе роля перакладчыка як актора

Дзмітры Плакс

Мне імпануе роля перакладчыка як актора

- Якая кніжка ў Вас у дзяцінстве была самая любімая? - Я пачаў чытаць у тры з паловай гады, і з тае пары амаль усе кніжкі, якія чытаю, – для мяне любімыя. Прынамсі, у працэсе чытання.

73